வியாழன், 19 ஜனவரி, 2017

புலிகள் அழிக்காததை செய்ய இப்போது தமிழர்கள் துணிந்து விட்டார்களா? - கைமாறுமா வடக்கு?

அண்மைக்காலமாக இலங்கையில் பாரதூரமான பிரச்சினையாகியுள்ள விடயம் பௌத்தம் அழிக்கப்பட்டு வருகின்றது என்பது.
அத்தோடு வடக்கு கிழக்கில் விகாரைகளும் புத்தர் சிலைகளும் உடைக்கப்படும் சம்பவங்களும் அடிக்கடி இடம்பெறுகின்றன. இதற்கு காரணம் யார்? இதன் மூலம் அவர்கள் சாதிக்க நினைப்பது எதனை?
இந்தப் பிரச்சினையை நோக்கும் போது விடுதலைப்புலிகள் வாழ்ந்த காலத்திலும் வடக்கு வாழ் தமிழர்களும் புலிகளும் செய்யாத விடயத்தை இப்போதைய வடக்கு மக்கள் செய்யத் துணிந்து விட்டார்களா என்ற சந்தேகம் கூட எழுகின்றது.
வெளிப்படையான உண்மை யாதெனில் ஜனாதிபதி மைத்திரியாக இருக்கட்டும், பிரதமராக இருக்கட்டும் நாட்டில் பௌத்தத்திற்கு மட்டுமே முன்னுரிமை கொடுத்து வருகின்றார்கள்.
எந்த வகையிலும் பௌத்த கொள்கைகளைத் தாண்டி ஆட்சி நடக்காது, இலங்கை நகராது என்பதில் தீர்மானமாக இருக்கின்றார்கள்.
அது மட்டுமல்ல அரசியல் ரீதியாக முடிவுகள் அனைத்துமே பௌத்தத்திற்கு பின்னர் தான் எடுக்கப்படும், எடுக்கப்பட்டு கொண்டும் வருகின்றது.
இதில் அப்போதைய ஆட்சியாளர்களும் சரி இப்போதைய ஆட்சியாளர்களும் தெளிவாக இருக்கின்றார்கள்.
அது மட்டுமல்ல ஆட்சிக்கு எதிராக கருத்து வெளியிட்டு வருகின்றவர்களும் கூடதேரர்களுக்கும், பௌத்தத்திற்கும் 

புலிகள் அழிக்காததை செய்ய இப்போது தமிழர்கள் துணிந்து விட்டார்களா? - கைமாறுமா வடக்கு?

அண்மைக்காலமாக இலங்கையில் பாரதூரமான பிரச்சினையாகியுள்ள விடயம் பௌத்தம் அழிக்கப்பட்டு வருகின்றது என்பது.
அத்தோடு வடக்கு கிழக்கில் விகாரைகளும் புத்தர் சிலைகளும் உடைக்கப்படும் சம்பவங்களும் அடிக்கடி இடம்பெறுகின்றன. இதற்கு காரணம் யார்? இதன் மூலம் அவர்கள் சாதிக்க நினைப்பது எதனை?
இந்தப் பிரச்சினையை நோக்கும் போது விடுதலைப்புலிகள் வாழ்ந்த காலத்திலும் வடக்கு வாழ் தமிழர்களும் புலிகளும் செய்யாத விடயத்தை இப்போதைய வடக்கு மக்கள் செய்யத் துணிந்து விட்டார்களா என்ற சந்தேகம் கூட எழுகின்றது.
வெளிப்படையான உண்மை யாதெனில் ஜனாதிபதி மைத்திரியாக இருக்கட்டும், பிரதமராக இருக்கட்டும் நாட்டில் பௌத்தத்திற்கு மட்டுமே முன்னுரிமை கொடுத்து வருகின்றார்கள்.
எந்த வகையிலும் பௌத்த கொள்கைகளைத் தாண்டி ஆட்சி நடக்காது, இலங்கை நகராது என்பதில் தீர்மானமாக இருக்கின்றார்கள்.
அது மட்டுமல்ல அரசியல் ரீதியாக முடிவுகள் அனைத்துமே பௌத்தத்திற்கு பின்னர் தான் எடுக்கப்படும், எடுக்கப்பட்டு கொண்டும் வருகின்றது.
இதில் அப்போதைய ஆட்சியாளர்களும் சரி இப்போதைய ஆட்சியாளர்களும் தெளிவாக இருக்கின்றார்கள்.
அது மட்டுமல்ல ஆட்சிக்கு எதிராக கருத்து வெளியிட்டு வருகின்றவர்களும் கூடதேரர்களுக்கும், பௌத்தத்திற்கும் கொடுத்து வரும் முக்கியத்துவம் நாட்டு மக்களுக்கும் தெளிவாக தெரியும்.
இருந்த போதும் ஏன் இலங்கையில் பௌத்தம் அழிக்கப்பட்டு வருகின்றது என பல்வேறு பட்ட பிரச்சினைகள் எழுப்பப்படுகின்றது?


இந்த கேள்விக்கு இலகுவாக கிடைக்கும் பதில் ஆட்சியும் அதிகார மோகமுமே என்பதே. அந்த வகையில் இவை வேண்டும் என்றே உருவாக்கப்பட்டு கொண்டு வரும் பிரச்சினைகளே.
இப்போது வடக்கில் பௌத்தம் அழிகின்றது, கிழக்கில் புத்தர் சிலைகள் உடைக்கப்பட்டு வருகின்றது என பேசுகின்றவர்கள் சில காலத்திற்கு முன்னர் சென்று பார்க்க வேண்டும்.
அதாவது விடுதலைப்புலிகள் காலகட்டத்தில் வடக்கு முழுதும் புலிகள் கொடிகட்டி பறந்தபோதும் கூட புத்தர் சிலைகள் உடைக்கப்படவில்லை.
அப்போது எவருமே இப்படியான பிரச்சினைகளை எழுப்பவில்லை பாதுகாக்கவும் துணிய வில்லை. அது சரி அழிக்கப்பட்டால் தானே காப்பதற்கு.
அதேபோல் புலிகள் ஆயுதப்பலத்தில் சிறப்பாக விளங்கிய போதும் புலிகள் எல்லைக்குள் தென்னிலங்கையும், இராணுவங்களும் நுழைய அச்சப்பட்ட காலகட்டத்திலும் புலிகளோ, தமிழர்களோ விகாரைகளை தாக்க வில்லை என்பது மறுக்க முடியாத உண்மை.
ஆனால் புலிகள் ஆயுதப்போர் மௌனிக்கப்பட்ட பின்னர் வடக்கிலும் கிழக்கிலும் புத்தர் சிலைகளும் பௌத்தமும் அழிக்கப்பட்டு வருகின்றது என பிரச்சினைகளை எழுப்பி அவற்றை காக்க நினைப்பது வேடிக்கையான விடயம்.
அப்போதைய வடக்கு கிழக்கு மக்கள் புலிகளோடு ஐக்கியமாகி இணைந்து வாழ்ந்த போதும் இவ்வாறான நடவடிக்கைகளை மேற்கொள்ள வில்லை என்பது எத்தனை மெய்யோ அதே அளவு உண்மையே தமிழ் மக்கள் புத்தர் மீது மதிப்பு வைத்துள்ளமையும்.
எத்தகைய நிலையிலும் தாக்க வரும் எதிரியை அழிப்பது மட்டுமே புலிகளின் கொள்கையாக இருந்ததே தவிர எதிரியாக இருந்தாலும் அவர்களுடைய கலாச்சாரத்திற்கோ, நம்பிக்கைகளையோ அழிக்கவோ அடக்கவோ முயற்சி செய்ய வில்லை.
இதனை அப்போதைய இப்போதைய ஆட்சியாளர்களும் கூட ஒத்துக்கொள்ள வேண்டும்.
என்றாலும் இப்போது அவ்வாறான பிரச்சினைகள் தோன்றியுள்ளது இல்லை தோற்று விக்கப்பட்டுள்ளது. அதேபோல புதுப்புது விகாரைகளும் வடக்கில் கட்டப்பட முயற்சிகள் நடைபெற்றும் வருகின்றது.
சுதந்திர நாடு இது இந்தவகையில் அனைவருக்கும் இடம் இருக்கின்றது “ஆனால் தன் குடும்பத்திற்குள் இனம் தெரியாத ஒரு நபரை கொண்டு வந்து திணிப்பதை எந்தவொரு மனிதனும் ஏற்றுக் கொள்ள மாட்டான்”.,
அதேபோல ஒரு சமூகத்திற்குள் அந்நிய மதத்தை திணிப்பதை மட்டும் மனிதனும், மனிதமும் ஏற்றுக் கொள்ளுமா என்பது கேள்வியே அதனையும் தாண்டி வடக்கு பகுதிகளில் இப்போது பௌத்தம் புகுத்தப்பட தொடங்கியிருக்கின்றது.
இதற்கு காரணங்கள் இரண்டாக இருக்கலாம் அதாவது நாட்டில் குழப்பத்தை ஏற்படுத்தி அரசியல் இலாபம் பெற்றுக் கொள்ள முக்கிய விடயம் பௌத்தம் அதனை சரியாக பாதுகாத்துக் கொள்ள வேண்டும்.
அடுத்தது வடக்கு கிழக்கில் வாழ்ந்து வரும் தமிழ் பேசும் சமூகங்களுக்கு இடையில் சிங்கள குடியேற்றங்கள் தோற்று விக்கப்பட்டு ஒட்டு மொத்த இலங்கையும் பௌத்தர்களின் கட்டுப்பாட்டில் இருக்க வேண்டும் என்பதே.
இவற்றினை அடித்தளமாக கொண்டே காய்கள் நகர்த்தப்பட்டு வருகின்றது. இதற்காக தென்னிலங்கை அரசியல் தலைமைகள் நடத்தும் கூட்டு முயற்சியே இவ்வாறான பிரச்சினைகள்.
வடக்கு முழுதும் தமிழர்கள் கட்டுப்பாட்டில் இருந்தபோது புத்தர் சிலைகள் உடைக்கப்பட வில்லை, விகாரைகள் இடிக்கப்பட வில்லை என்ற பதில் இதற்கு தெளிவான சான்றாக அமையும்.
எப்படியாவது வடக்கினை கைப்பற்றும் முயற்சியே இவ்வாறான பிரச்சினைகளின் அடித்தளம். காரணம் இன்றி காரியம் எதுவுமே நடைபெறுவதில்லை. இங்கும் இருப்பது அரசியலே.
அதாவது தமது நோக்கங்களை நிறைவேற்றிக் கொள்ள திட்டமிட்டு இவை நடத்தப்பட்டு வருகின்றது என்பது ஆழ நோக்கின் தெளிவாகும்.
எனினும் இப்படிப்பட்ட நோக்கத்தோடு செயற்பட்டு வரும்போது அது தமிழ் மக்களின் மனங்களில் எந்த விதமான பாதிப்பினை ஏற்படுத்தும்? சகோதரத்துவத்தோடு வாழ நினைக்கும் மக்களிடையே எத்தகைய தாக்கத்தை ஏற்படுத்தும் என்பதை நினைத்தும் பார்ப்பதில்லை.
இவ்வாறு படிப்படியாக மக்கள் மனங்களில் நஞ்சை விதைத்து வரும் செயலினால் கிடைக்கப்போகும் பதில் மட்டும் கலவரமும் கடந்த காலத்தை மீட்டிப்பார்க்கும் யுத்தமுமே. அதனையா எதிர்பார்க்கின்றார்கள் என்பதற்கும் விடையில்லை.
நல்லிணக்கம் என பேச்சில் மட்டும் சொல்லிக் கொண்டிருந்தால் நாடு பின்னோக்கியே நகரும் என்பதில் கவனம் எடுத்து அரசு செயற்படுமாயின் உண்மையான சொர்க்க பூமியாக இலங்கை மாற்றம் அடையும் என்பது திண்ணம்.

செவ்வாய், 17 ஜனவரி, 2017

2 மில்லியன் டொலர் அன்பளிப்பு செய்த ஈழத் தமிழர்..! எதற்காக தெரியுமா..?


2 மில்லியன் டொலர் அன்பளிப்பு செய்த ஈழத் தமிழர்..! எதற்காக தெரியுமா..?



கனடாவில் அமைந்துள்ள ரோரன்ரோ ஸ்கார்பரோ பல்கலைக்கழகத்திற்கு ஈழத்தமிழர் ஒருவரால் இரண்டு மில்லியன் டொலர் நிதி அன்பளிப்பு செய்யப்பட்டுள்ளது.
குறித்த பல்கலைக்கழகத்தில் தமிழ் மொழி மூலமான கற்கை நெறிகளை ஊக்குவிக்கும் நோக்கில் இந்த நிதி அன்பளிப்பு செய்யப்பட்டுள்ளதாக தெரிவிக்கப்படுகின்றது.
ரோரன்ரோ ஸ்கார்பரோ பல்கலைக்கழகத்தின் பழைய மாணவரான, கலாநிதி ரவி குகதாசன் என்ற ஈழத்தமிழரே இந்த நிதி அன்பளிப்பை வழங்கியுள்ளதாக கூறப்படுகின்றது.
குறித்த நிதியினைக் கொண்டு தமிழ் மொழி மூலமான பாட கற்கை நெறிகளை விரிவு படுத்த முடியும் எனவும், ஈழத்தமிழர்களின் கலை, கலாச்சாரம் உள்ளிட்ட விடயங்கள் ஏனைய சமூகத்தவர்களுக்கு எடுத்து காட்ட முடியும் எனவும் அந்த பல்கலைக்கழகம் நம்பிக்கை வெளியிட்டுள்ளது.
1974ஆம் ஆண்டு வடக்கு மாகாணத்தை விட்டு வெளியேறிய கலாநிதி ரவி குகதாசன் கனடா நாட்டில் குடியேறிய பின்னர், 1978ஆம் ஆண்டில் ரோரன்ரோ ஸ்கார்பரோ பல்கலைக்கழகத்தில் இணைந்துகொண்டார்.
1982ஆம் ஆண்டில் ரோரன்ரோ ஸ்கார்பரோ பல்கலைக்கழகத்தில் Bsc பட்டம் பெற்ற அவர், 1986ஆம் ஆண்டில் ரோரன்ரோ ஸ்கார்பரோ பல்கலைக்கழகத்தில் கலாநிதி பட்டம் பெற்றுக்கொண்டார்.
இதேவேளை, 51 ஆண்டுகால வரலாற்றில் பல்கலைக்கழகத்திற்கு தனி நபர் ஒருவரிடம் இருந்து கிடைக்க பெற்ற மிக பெரிய அன்பளிப்பு இதுவே என தெரிவிக்கப்பட்டுள்ளது.
tamilwin

எம்ஜியாரின் நூறாவது பிறந்தநாளான இன்று நீந்தும் சில நினைவலைகள்-

எம்ஜியாரின் நூறாவது பிறந்தநாளான இன்று நீந்தும் சில நினைவலைகள்-
Vijayakumar Arunagiri
எம்ஜியாரின் தந்தை பெயர் கோபால மேனன். அவருக்கு
மூன்று மனைவியர். ( எம்ஜியாரின் தாத்தா அங்காரத்த சங்குண்ணி மன்றாடியாருக்கு நான்கு மனைவியர் இருந் திருக்கிறார்கள்). கோபால மேனனின் முதல் மனைவி மாதவி அம்மாள். . இரண்டாவது மனைவி மீனாட்சி.. மூன்றாவது மனைவியான சத்யபாமாதான் எம்ஜியாரின் தாயார். இவர் கொல்லங்கோட்டை அடுத்துள்ள வடவனூ ரி ல் உள்ள மருதூர் வீட்டைச் சேர்ந்தவர். அதனால்தான் எம்ஜியாரின் பெயர் மருதூர் கோபால ராமச்சந்திரன் என்று ஆனது.
கோபால மேனன் கேரளாவில் நீதிபதியாக பதவி வகித்த வர். குந்நங்குளம் , அரூர் , இரிஞ்ஞாலக்குடா , திருச்சூர் , கரூர் , சிற்றூர் , எர்ணாகுளம் போன்ற ஊர்களில் நியாய மான நீதிபதியாக இருந்திருக்கிறார். அதனால் ஊருக்கு ஊர் மாற்றி அடித்துக் கொண்டிருந்தார்கள். ஒரு கட்டத்தி ல் கோபால மேனனுக்கே இது அலுத்துப் போய் நீதிபதி வேலையை ராஜினாமா செய்து விட்டு கல்லுரி முதல்வ ரா க த் தன் உத்தியோகத்தை மாற்றிக் கொண்டார்.
பின்னர் கண்டியில் உள்ள ஒரு கல்லூரியின் அழைப்பை ஏற்று இலங்கை சென்றார். அப்போதுதான் கோபால மேனனின் ஐந்தாவது குழந்தையாக எம்ஜியார் பிறந்தார். எம்ஜியாருக்கு இரண்டரை வயது இருக்கும் போது கோபால மேனன் இறந்தார்.
இவ்வளவு பெரிய பணக்காரக் குடும்பத்தைச் சேர்ந்தவராக இருந்தும் எம்ஜியார் சிறு பிராயத்திலிருந்து சுமார் நாற்பது வயது வரை கடுமையான வறுமையில் இருந்திருக்கறார். காரணம் , அப்போது கேரளத்தில் வழக்கத்தில் இருந்த ' மருமக்கள் தாயம் '. ஒரு குடும்பத் தலைவர் இறந்து விட்டால் அவருடைய சொத்தில் அவருடைய குழந்தைக ளுக்கு எந்தப் பங்கும் இல்லாமல் , அச் சொத்தின் உரிமை முழுவதும் இறந்து போனவரின் உடன் பிறந்த சகோரதரிக ளின் மக்களுக்குத்தான் போகும். இந்தச் சட்டத்தின் காரணமாகவே எம்ஜியாரின் குடும்பம் நடுத்தெருவுக்கு வந்தது.
எம்ஜியார் பிறந்த பிறகே அவரது தந்தை இறந்து குடும்பம் நசித்துப் போனதால் " ' முடிகாலன் பிறந்து வீட்டினெத் தன்னெ முடிச்சு! ' என்று அடிக்கடி திட்டுவார்கள் என் அம்மா" என்று தன் இளமைப் பிராயத்தைப் பற்றிக் குறிப்பி டுகிறார் எம்ஜியார்.கணவர் இறந்த பின்பு இலங்கை யிலிருந்து கும்பகோணத்துக்குக் குடி பெயர்ந்தார் எம்ஜி யாரின் தாயார் சத்யபாமா. கும்பகோணத்திலும் தொடர்ந் தது வறுமை. பசியினாலேயே எம்ஜியாரும் , அவரது அண்ணன் சக்ரபாணியும் தவிர மற்ற மூன்று சகோதர சகோதரிகளும் இறந்து போனார்கள்.
ஒருநாள் எம்ஜியாரின் அம்மா பட்டினியால் மெலிந்து கிடந்த தன் மகன் ராமச்சந்திரனைப் பார்த்து " பொழைக்கி ற புள்ளையா இருந்தா பொறந்ததுமே செத்து இருக்காது ?" என்று பக்கத்து வீட்டுப் பெண்மணியிடம் கேட்டிருக்கிறார்.
கணவனை இழந்த சத்யபாமாவினால் தன்னுடைய இரண்டு மகன்களையும் இரண்டு வகுப்புக்கு மேல் படிக்க வைக்க முடியவில்லை. "அண்ணன் சக்ரபாணிக்கும் , எனக்கும் சோறு பொங்கிக் கொடுத்து விட்டு அம்மா பட்டி னியாகவே காலம் கழிப்பார்கள்.
இப்போது நான் எவ்வளவோ நல்ல நிலையில் இருக்கி றேன். அதைப் பார்க்க அம்மாதான் இல்லை" என்று கூறஇந்தக் கால கட்டம் பற்றி எம்ஜியார் பெரும் நட்சத் திரமாக உயர்ந்த பிறகு பல முறை நினைவு கூர்கிறார்.
எம்ஜியாரும் , சக்ரபாணியும் கும்பகோணத்தில் இருந்த பாய்ஸ் நாடக கம்பெனியில் சேர்த்து விடப் பட்டார்கள். சம்பளம் என்று எதுவும் கிடையாது. நன்றாக நடித்தால் வாரத்துக்கு நாலு அணா கிடைக்கும். மற்றபடி மூன்று வேளையும் சாப்பாடு உண்டு.பனிரண்டு ஆண்டுகள் நாடக த்தில் நடித்துக் கொண்டிருந்தார் எம்ஜியார்.
பின்பு மெட்றாசுக்கு வந்துசதி லீலாவதி ( 1936) என்ற படத்தின் மூலம் அறிமுகமானார் எம்ஜியார். அப்போது அவருக்கு வயது 19. இதில் அவர் ஒரு சாதாரண போலீஸ் இன்ஸ்பெக்டராக வருகிறார். பின்னர் தொடர்ந்து மாயா மச்சீந்திரா , பிரஹலாதா , வேதவதி அல்லது சீதா ஜன னம் , தமிழ் அறியும் பெருமாள் என்று பல படங்களில் பல ஆண்டுகள் துணை நடிகராகவே நடித்துக் கொண்டிருந்தார்
இந்தக் கால கட்டத்தில் பஸ்ஸில் செல்வதற்குக் கூட காசு இல்லாமல் சென்னை நகரம் முழுக்கவும் நடந்தே சென்ற து பற்றிக் குறிப்பிடுகிறார். (சினிமாவுக்கு முன் நாடகத்தி ல் நான் பட்ட கஷ்டம் , சினிமாவுக்கு வந்த பின் அனுபவித் த கஷ்டம் , வேலை கிடைக்காமல் மாடிப்படிகளில் ஏறி இறங்கிய அனுபவம் , காசு இல்லாமல் சென்னை முழு வதும் தினமும் பல காலம் நடந்து சென்ற அனுபவம் இது எல்லாம்தான் என்னை மனிதாபிமானமுள்ளவனாக ஆக்கியது.
தனது தாயாரின் பூர்வீக ஊரான வடவனூரில் ஒரு வீடு வாங்க வேண்டுமென்று எண்ணிய எம்ஜியார் , தனக்குக் கொஞ்சம் வசதி வந்த போது கவுண்டத்தரா என்ற இடத் தில் ஒரு பழைய வீட்டை வாங்கிப் புதுப்பித்து ' சத்ய விலா ஸ் ' என்று மலையாளத்தில் பெயரும் பொறித்திருக்கிறார்
எம்ஜியாருக்கு அவரது 23- ஆவது வயதில் சேகரிபுரத்தைச் சேர்ந்த லட்சுமி குட்டி-விஸ்வநாத அய்யர் தம்பதியின் மகளான தங்கமணி என்ற பெண்ணுடன் 1940- இல் திரும ணம் நடந்தது. அப்போது தங்கமணியின் வயது 18. எம்ஜி யார் அப்போது மிகக் கொடிய வறுமையில் இருந்த காலம். சாப்பாட்டுக்குக் கூட வழியில்லாமல் எம்ஜியார் தங்கம ணி யின் நகைகளை விற்று வாழ வேண்டியிருந்தது.
குழந்தையும் இல்லை. தங்கமணியின் நிலைமையைக் கண்டு அவரது பெற்றோர் சென்னை வந்து தங்கள் மகளை சேகரிபுரம் அழைத்துச் சென்றனர். ஆனால் தங்கள் கையி ல் இருந்ததையெல்லாம் விற்றுத்தான் தங்கள் மகளுக்கு அவர்கள் திருமணம் செய்திருந்ததால் அவர்களின் நிலையும் எம்ஜியாரின் நிலைமையைப் போலவேதான் இருந்தது. சரியான சாப்பாடு இல்லாமலேயே சேகரிபுரம் வந்த 20- ஆவது நாளில் இறந்து போனார் தங்கமணி. அப்போது அவர் வயது 20.
தன் மகனின் முதல் மனைவி இறந்ததும் இரண்டாம் திருமணம் செய்து வைக்க முனைந்தார் சத்யபாமா. பாலக்காட்டில் இருந்து பத்து மைல் தூரமுள்ள குழல் மன்னம் என்ற இடத்தில் எரகாட் குடும்பத்தைச் சேர்ந்த சதானந்தவதியுடன் 1942- இல் எம்ஜியாரின் இரண்டாம் திருமணம் நடந்தது. சதானந்தவதியின் வயது அப்போது 14. எம்ஜியாரின் வயது 26. சதானந்தவதி நல்ல வசதியான குடும்பத்தைச் சேர்ந்தவர். சதானந்தவதியை சென்னைக்கு அழைத்து வந்த பிறகுதான் தன் முதல் மனைவி இறந்து போன விஷயத்தைச் சொல்லியிருக்கிறார் எம்ஜியார்.
சென்னை வந்ததும் சதானந்தவதிக்குக் காச நோய் தாக்கியது. அந்தக் காலத்தில் அது ஒரு உயிர்க்கொல்லி நோய். எம்ஜியாருக்கும் சரியான வருமானம் இல்லை. பிறகு , 1950- இல் சதானந்தவதிக்கு குறைப்பிரசவம் நடந்து அதன் காரணமாகவும் பலகீனமானார். அது மட்டுமல்லாமல் அவருக்கு இதயக் கோளாறும் ஏற்பட் டது. மூன்று ஆண்டுகள் படுத்த படுக்கையாகவே கிடந்து 1962- இல் காலமானார்
சதானந்தவதி. அவர் படுக்கையில் கிடந்த போதெல்லாம் அவருக்குப் பல் தேய்த்து விடுவதிலிருந்து குளிப்பாட்டி விடுவது வரை பக்கத்தில் இருந்து எம்ஜியாரே செய்தி ருக்கிறார். சதானந்தவதியை மிகவும் நேசித்த எம்ஜியார் அவருக்கு நினைவுச் சின்னமாக குழல் மன்னத்தில் ஒரு வீடு கட்டியிருக்கிறார்.
எம்ஜியாரின் மூன்றாவது மனைவியான ஜானகி வேலை க்காரி , ஆயிரம் தலை வாங்கிய அபூர்வ சிகாமணி போன்றவை உட்பட 25 பிரபலமான படங்களில் நடித்தவர். அவரது கணவர் பெயர் கணபதி பட். அவர்களுக்கு சுரேந் திரன் என்று ஒரு மகனும் இருந்தான். 1950- இல் வெளி வந்த ' மந்திரி குமாரி ' என்ற படத்தில் வி.என். ஜானகி யின் கணவர் கணபதி பட்டும் நடித்திருக்கிறார். அந்தப் படத்தின் படப் பிடிப்பின் போதுதான் எம்ஜியாருக்கும் ஜானகிக்கும் காதல் உண்டாகியிருக்கிறது. உடனே , கணபதி பட்டை விவாகரத்து செய்து விட்டு எம்ஜியாருட ன் வாழத் தொடங்கி எம்ஜியார் இறக்கும் வரை உடனிருந்தார் ஜானகி..

கிழக்கு மாகாண பட்டதாரி ஆசிரியர் தெரிவுப் போட்டிப் பரீடசை 2016

கிழக்கு மாகாண பட்டதாரி ஆசிரியர் தெரிவுப் போட்டிப் பரீடசை 2016 முடிவுகள்
 இங்கே சென்று பார்க்கவும்    சித்தியடைந்தவர்களின் விபரம் 

திங்கள், 16 ஜனவரி, 2017


ராஜீவ் காந்தி படுகொலைக்கு பின்புலமாக இருந்தவர்கள் யார்?






மறைந்த இந்தியப் பிரதமர் ராஜீவ் காந்தி சென்னையை அடுத்த ஸ்ரீபெரும்புதூரில், கடந்த 1991-ம் ஆண்டு மே மாதம் 21-ம் தேதி, விடுதலைப்புலிகளின் தற்கொலைப் படையால் கொலை செய்யப்பட்டார்.
இந்த கொலையில் தொடர்புடைய ஒற்றைக்கண் சிவராசன், சுபா ஆகியோர் பெங்களூருவில் தங்குவதற்கு வீடு கொடுத்தவர் ரங்கநாத். இதனால் இவருக்கு தூக்கு தண்டனை வழங்கப்பட்டது.
பிறகு இந்த வழக்கில் 1999-ல், 26 பேருக்கு விதிக்கப்பட்ட தூக்குத் தண்டனையில் 19 பேருக்கு ரத்து செய்யப்பட்டு விடுதலை செய்யப்பட்டனர். விடுதலை ஆனவர்களில் ரங்கநாத்தும் ஒருவர்.
ரங்கநாத் விடுதலை ஆன பிறகு பெங்களூருவில் உள்ள பசவனக்குடியில் தன் மனைவி மிர்துளாவோடு வசித்து வந்தார்.
ராஜீவ் கொலை வழக்கில் கைது செய்யப்பட்டு, பல சித்ரவதைகளுக்கு ஆளான நிலையில், உடல்நிலை கடுமையாகப் பாதிக்கப்பட்டு சரியாகப் பேச முடியாமல் தவித்தார்.
தலைக்குச் செல்லும் நரம்புகளில் இரத்த ஓட்டம் சீராக இல்லாமல் போனதால், அடிக்கடி மயங்கி விழுந்து, உடல் நலம் பாதிக்கப்பட்ட நிலையில் காணப்பட்டார்.
இந்நிலையில் இரண்டு நாட்களுக்கு முன் ரங்கநாத் மரணமடைந்தார். அவரது உடல் பசவனக்குடியில் இருந்து பனசங்கரியில் தகனம் செய்யப்படுகிறது.
ரங்கநாத்தைச் சந்தித்த போது அவரிடம் பல கேள்விகளை முன்வைத்து பேசி இருக்கிறோம். இத்தருணத்தில் அந்த கேள்விகளும், அவருடைய பதில்களும்....
"ராஜீவ் காந்தி கொலைக்கும் உங்களுக்குமான தொடர்பு என்ன?"
விடுதலைப் புலிகள் பெங்களூருவுக்கு வருவதும், போவதும், வாடகை வீடு எடுத்துத் தங்குவதும் சர்வ சாதாரண விஷயம். அவர்களின் தோழமைக் கழகம் கூட இங்குதான் இருந்தது.
ராஜீவ் கொலை 1991 மே 21-ம் தேதி நடந்தது. 2 மாதங்கள் கழித்து, ஆகஸ்ட் 1-ம் தேதி என்னுடைய நண்பர் ராஜன் 8 பேரை பெங்களூருவில் புட்டனஹள்ளியில் உள்ள என் வீட்டிற்கு கூட்டி வந்து . ‘இவர்கள் இலங்கையில் போரில் பாதிக்கப்பட்டவர்கள்.
ராஜீவ் காந்தி கொலையால் தமிழ்நாட்டில் மருத்துவம் செய்ய மறுக்கிறார்களாம். அதனால் பெங்களூருவில் தங்கி மருத்துவ சிகிச்சை எடுத்துக் கொள்ள வந்திருக்கிறார்கள்.
இவர்களுக்கு ஒரு மாதத்திற்கு வீடு வாடகைக்கு எடுத்துக் கொடு’ என்று கேட்டார். ஒரு மாதத்திற்கெல்லாம் யாரும் வீடு கொடுக்க மாட்டாங்க. எங்க மாடி போர்ஷன் காலியாகத் தான் இருக்கு. தங்கி கொள்ளுங்கள் என்றேன்.
தங்கிக் கொண்டார்கள். அடுத்த நாள் ஆகஸ்ட் 2-ம் தேதி நள்ளிரவில் சிவராசன், சுபா, நேரு, சுரேஷ் மாஸ்டர், அமான், கீர்த்தி, ரங்கன் என 7 பேர் வந்து அந்த 8 பேரோடு மாடியில் தங்கினார்கள்.
விடிந்ததும் புதிதாக வந்திருக்கிற இவர்கள் யார்? என்று சூரி என்பவரிடம் கேட்டேன். ‘இவங்கள் எங்கள் நண்பர்கள். அவர்களும் போரினால் பாதிக்கப்பட்டவர்கள். மருத்துவ சிகிச்சைக்காக வந்திருக்கிறார்கள். ஓரிரு நாட்களில் கிளம்பிடுவாங்க என்றார்.
இது எனக்கும், என் மனைவிக்கும் பிடிக்கவில்லை. சுமார் நான்கு, ஐந்து நாட்கள் கழித்து டி.வி-யில் தேடப்படும் ராஜீவ்காந்தி கொலை குற்றவாளிகள் என்று சிவராசன், சுபா, நேரு என இவர்கள் போட்டோக்களை பார்த்து அதிர்ச்சி அடைந்தோம்.
எல்லோரையும் வீட்டை விட்டு காலி பண்ணச் சொன்னேன். மாறாக, எங்களை அவர்களின் கஸ்டடிக்கு உட்படுத்தி ‘வெளியில் ஏதாவது மூச்சு விட்டால் கொன்று விடுவதாக’ மிரட்டினார்கள்.
இதுதான் எங்களுக்கும் ராஜீவ் கொலைக்குமான தொடர்பு".
"ராஜீவ் காந்தி படுகொலை பற்றி அவர்களிடம் கேட்கவில்லையா?"
"முதல் இரண்டு நாட்கள் மிரட்டினார்கள். அப்புறம். சாதாரணமாக அன்பாகப் பேசினார்கள். அப்போது நானும், என் மனைவியும் காங்கிரஸ் குடும்பத்தைச் சேர்ந்தவர்கள் என்பதால் கோபமாக ஏன் எங்க தலைவர் ராஜீவ்காந்தியை கொன்றீர்கள்? என்று கேட்டோம்,
அதற்கு சிவராசனும், சுபாவும் கத்தை கத்தையாக போட்டோக்களையும் பேப்பர்களையும் எடுத்து வந்து எங்களிடம் காட்டினார்கள். ராஜீவ் காந்தி அனுப்பிய அமைதிப் படையால் எங்கள் இனம் அழிந்த கொடுமைகளைப் பாருங்கள்.
உங்க ஊர் பத்திரிகைகளில், இதையெல்லாம் எழுத மாட்டார்கள் என்று இன்டர்நேஷனல் ஹெரால் ட்ரிமினல் என்ற பத்திரிகையை காட்டினார்கள். பள்ளி செல்லும் சின்னக் குழந்தைகள் முதல் வயதான பாட்டிகள் வரை கற்பழித்துக் கொலை செய்யப்பட்டிருந்ததை எழுதி இருந்தார்கள்.
இந்திய அமைதி படையால் 3,000 பேர் கற்பழிக்கப்பட்டதும், 5,000 பேர் காணாமல் போனதும், 12,000 பேர் இறந்து போனதும், 50,000 பேர் குடிபெயர்ந்து போனதையும் ஆதாரப்பூர்வமாக சொல்லி கண் கலங்கினார்கள்.
இவ்வளவு உயிர்கள், இறப்பதற்கு காரணமாக இருந்தவரை கொன்றது தப்பா? என்று எங்களிடமே கேள்வி கேட்டார்கள். இந்த நேரத்தில் ராகுலுக்கு ஒன்றைச் சொல்ல விரும்புகிறேன்.
எல்லா உயிர்களையும் சமமாக மதிப்பவன்தான் தலைவன். பாவத்தின் சம்பளம் மரணம் என்று பைபிள் சொல்கிறது. ராஜீவ் தப்பு பண்ணினார், அனுபவித்தார். சிவராசன் தப்பு பண்ணினார் அனுபவித்தார்.
ஆனால், இந்த வழக்கில் தூக்கு தண்டனை வரை போன 26 பேரும் நிரபராதிகள். அவர்களை விடுவதுதான் நியாயம்".
"அப்புறம் என்ன நடந்தது?"
"அக்கம் பக்கத்தில் இருப்பவர்களுக்கு சந்தேகம் வந்துவிடும். அதனால். என் மூலமாகவே வேறு வீடு வாடகைக்கு எடுத்து தரச் சொன்னார்கள். கோனேகொண்டேவில் ஒரு வீடு வாடகைக்கு எடுத்தேன்.
அந்த வீட்டில் சிவராசன், சுபா, நான், என் மனைவி உட்பட 9 பேர் தங்கினோம். அடுத்து முத்தத்திக்காட்டில் உள்ள என்னுடைய நண்பர் வீடு காலியாக இருந்தது. அந்த வீட்டை வாடகைக்கு எடுத்துக் கொடுத்தேன்.
அதில் உடல் காயங்களால் பாதிக்கப்பட்டவர்கள் அங்கு தங்கினார்கள். அந்த இடம் வீரப்பன் ஏரியா என்பதால் வீரப்பன் தேடுதல் வேட்டைக்கு வந்த போலீஸை பார்த்து, 'நம்மைத்தான் பிடிக்க வருகிறார்கள்' என்று வீட்டின் கதவைப் பூட்டி குப்பியை நுகர்ந்து 12 பேர் இறந்தார்கள்.
காவல்துறை சத்தம் கேட்டு ஓடிவந்து சுற்றி வளைத்ததில், 4 பேர் கைது செய்யப்பட்டார்கள். இது ஆகஸ்ட் 17-ம் தேதி நடந்தது.
அடுத்த நாள் இரவே நாங்கள் தங்கி இருந்த கோனேகொண்டே வீட்டைச் சுற்றிவளைத்து ஆகஸ்ட் 19-ம் தேதி காலை துப்பாக்கியால் சூட்டார்கள்.
குப்பியை நுகர்ந்து வீட்டுக்குள்ளேயே 7 பேர் இறந்து விட்டனர். முத்தத்திக்காட்டில் 17-ம் தேதி சம்பவம் நடந்ததும் என் மனைவியை வீட்டை விட்டு கிளம்பிப் போக சொல்லி விடுகிறார்கள்.
அவரது தம்பி வீட்டுக்கு என் மனைவி போய் விட்டார். நானும் துப்பாக்கிச் சூடு நடந்தபோது வெளியே வந்து விட்டேன். மீண்டும் வீட்டிற்குப் போகும்போது என்னையும் அதன்பிறகு என் மனைவியையும் அரெஸ்ட் செய்தார்கள்".
"முதன் முதலில் முருகன், பேரறிவாளன், சாந்தனை எப்போது சந்தித்தீர்கள்? இதுபற்றி அவர்களிடம் கேட்டதுண்டா?"
"என்னைக் கைது செய்ததும், ஜெ நகர் போலீஸ் ஸ்டேஷனுக்கு கூட்டிட்டு போனார்கள். பிறகு கங்கா நகரில் உள்ள சி.பி.ஐ அலுவலகத்தில் ஒப்படைத்தார்கள்.
ஹெலிகாப்டர் மூலமாக சென்னை ஆவடி மல்லிகை அரங்கம், பூந்தமல்லி சிறை, செங்கல்பட்டு சிறை என பல இடங்களில் மாற்றுகிறார்கள். செங்கல்பட்டு சிறைச்சாலையில்தான் இவர்களை சந்தித்திதேன்.
பேரறிவாளன், சாந்தன், முருகன் எல்லோருக்கும் 19, 20 வயது சின்னப் பசங்க விளையாட்டுத்தனமாக இருந்தார்கள்.
இரண்டு வருடம் கழித்து அவர்களிடம் நன்றாகப் பேசி பழகும் வாய்ப்பு கிடைத்தது. அப்போதுதான் ‘‘ஏன் தம்பி இந்த செயல்களில் ஈடுபட்டீர்கள்?’’ என்று கேட்டேன்.
சத்தியமாக இந்த கொலையைப் பற்றி எனக்கு எதுவும் தெரியாது என்று அவரவர் சூழ்நிலைக் கைதிகளான கதைகளைச் சொன்னார்கள்.
ஏன், எதற்கு என்று தெரியாமலேயே பேரறிவாளன் பேக்டரி வாங்கி கொடுத்ததும், சிவராசன் வந்த படகில் சாந்தனும் வந்த குற்றத்திற்காகவும், நளினியின் தம்பி இச்சம்பவத்தில் ஈடுபட்டதால் நனினி, முருகன் மாட்டியதும் தெரிய வந்தது.
இவர்கள் ஒருவர் கூட குற்றவாளிகள் இல்லை என்பதை தெரிந்து கொண்டேன். இவர்களோடு 9 வருடம் நானும் சிறையில் இருந்தேன்.
பேரறிவாளன் தனக்கு இல்லை என்றாலும் மற்றவர்களுக்கு உதவும் குணம் உடையவன். சாந்தன் சிறந்த சிந்தனையாளன். அற்புதமான கற்பனை நீதிக் கதைகளை எழுதக் கூடியவன்.
முருகன் தீவிர பக்திமான். இவர்கள் எல்லோரும் ஒரு எறும்புக்குக் கூட துன்பம் ஏற்படுத்தாதவர்கள்"
"ராஜீவ் காந்தி படுகொலைக்கு பின்புலமாக இருந்தவர்கள் யார்?
26 பேருக்கு விதிக்கப்பட்டு இருந்த தூக்கு தண்டனை 1999-ல் 19 பேருக்கு ரத்து செய்யப்பட்டு விடுதலை ஆனோம்.
அப்போது, தமிழ்நாட்டில் உள்ள ஒரு முக்கிய காங்கிரஸ் பிரமுகர் சோனியா காந்தி, உங்களைப் பார்க்க வேண்டும் என்று அழைத்துக் கொண்டு போனார்.
டெல்லியில் அர்ஜூன் சிங்கை சந்தித்து விட்டு தனி அறையில் சோனியாவோடு 45 நிமிடம் பேசினேன். அப்போது நீங்கள் கேட்கும் அதே கேள்வியைத் தான் அவுங்களும் கேட்டாங்க.
ராஜீவ்காந்தியை எங்க வீட்டில் தங்கி இருப்பவர்கள்தான் கொலை செய்திருக்கிறார்கள். என்று எங்களுக்குத் தெரிந்ததும் எங்களை அவர்கள் ஹோம் அரெஸ்ட் பண்ணிட்டாங்க.
அதனால் யாரிடமும் எதுவும் சொல்ல முடியாத நிலையில் இருந்தோம். ஓரிரு நாட்களில எங்களிடம் எல்லா தகவலும் சொன்னாங்க.
விடுதலைப் புலிகள் இயக்கத்தில் கட்டுப்பாடுகள் அதிகம் என்பதால் வெளியில் வந்து விட்டோம். இந்திய அமைதிப்படை செய்த கொடூரத்தால்தான் ராஜீவைக் கொன்றோம்.
அதற்கு ஸ்கெட்ச் போட்டு கொடுத்தது சந்திரா சாமி. அவரின் உதவியால் ஓரிரு நாட்களுக்குள் நேபாளம் போயிடுவதாகவும் சொன்னாங்க.
அது சம்பந்தமாக, அடிக்கடி சந்திரா சாமியிடம் போனில் பேசியதை நானே கேட்டிருக்கிறேன். அவர்களுக்குள் சுப்பிரமணியசாமியைப் பற்றியும் பேசுவார்கள்’’ என்று சொல்லிவிட்டு... சந்திராசாமியை விசாரித்தால் எல்லாம் உண்மையும் தெரியும்.
அதுமட்டுமல்ல. ஸ்ரீபெரும்புதூரில் ராஜீவ் கொலையாவதற்கு 2 மாதத்திற்கு முன்பே அந்த இடத்தை சந்திரா சாமியும், சுப்பிரமணியசாமியும் ஒன்றாகச் சென்று பார்த்திருக்கிறார்கள்.
அதற்குப் பதிலளித்த சுப்பிரமணியசாமி, ‘‘டெல்லி செல்லுவதற்காக நானும் சந்திராசாமியும் சென்னை மீனம்பாக்கம் விமான நிலையத்திற்கு வந்தோம்.
நேரடியாக டெல்லிக்கு பிளைட் இல்லாததால் இருவரும் காரில் பெங்களூருக்கு விமான நிலையத்திற்குச் சென்றோம். அப்போது அந்த இடத்தில் சிறுநீர் கழிப்பதற்காக காரை நிறுத்தினோம்’’ என்று சொல்லி இருப்பது ஜெயின் கமிஷனில் பதிவாகி இருக்கிறது.
இதையெல்லாம் தெளிவாக விசாரித்தால் உண்மைகள் தெரியவரும் என்றேன். அதன்பிறகு. சோனியா காந்தி சொல்லி, எனக்கு போலீஸ் பாதுகாப்பும் போட்டார்கள்.
என்ன, ஏது என்று தெரியாமல் வீடு கொடுத்தவனுக்கும், பொருள் வாங்கிக் கொடுத்தவனுக்கும் அடி, உதை, சிறைக் கொடுமை, தூக்குத் தண்டனை.
ஆனால் சிவராசன் இறக்கும் வரை சந்திரா சாமியிடமும், சுப்பிரமணியசாமியிடமும் தொடர்பில் இருந்தார்கள்.
அவர்களை விசாரிக்காததும், சிறையில் அடைக்காததும் ஏன்?" என்ற மர்மம் நிறைந்த கேள்விகளோடு நிறுத்தினார்.
இதையெல்லாம் நம்மிடம் பகிர்ந்து கொண்ட ரங்கநாத் இறந்து விட்டார்.
- Vikatan

சீனாவின் விடாப்பிடியும்,சிங்களத் தலைவரின் தடாலடியும்


சீனாவின் விடாப்பிடியும்,சிங்களத் தலைவரின் தடாலடியும் 


இலங்கை ஒரு சிறிய நாடு அல்ல, மிகப்பெரிய வாய்ப்புகளைக் கொண்ட ஒரு நாடு, அதனால் தான் இங்கு கூடியிருக்கிறோம். இவ்வாறு கூறியிருந்தார் இலங்கைக்கான சீனத் தூதுவர் யி ஷியான்லிங்.
கடந்த 7ம் திகதி அம்பாந்தோட்டையில் சீனாவின் முதலீட்டில், கைத்தொழில் வலயத்தை ஆரம்பித்து வைக்கும் நிகழ்வில் உரையாற்றிய போதே சீனத் தூதுவர் அவ்வாறு குறிப்பிட்டிருந்தார்.
அம்பாந்தோட்டை துறைமுகத்தின் 80 வீத உரிமையையும், அம்பாந்தோட்டையை உள்ளடக்கிய பகுதியில் 15 ஆயிரம் ஏக்கர் காணிகளையும் சீனா 99 வருட குத்தகைக்குப் பெற்றுக் கொள்ளவுள்ள விவகாரம், இலங்கை அரசியலில் கடுமையான கொந்தளிப்பை ஏற்படுத்தியுள்ளது.
நிலங்களையும், துறைமுகத்தையும் சீனாவுக்கு குத்தகைக்கு வழங்குவதை மஹிந்த ராஜபக்சவும், ஜே.வி.பி.யும் கடுமையாக எதிர்த்து வருகின்றன.ஆனாலும், எதிர்மறை சக்திகளின் இந்த எதிர்ப்புகளினால் சீனா பின்வாங்கி விடாது என்பதை சீனத் தூதுவர் தெளிவாகவே குறிப்பிட்டிருக்கிறார்.
இலங்கையில் தனது முதலீடுகளை அபிவிருத்திக்கான உதவி என்று காட்டிக்கொள்ள சீனா முனைந்தாலும், உண்மை அதற்கும் அப்பாற்பட்டது.இலங்கைக்கு இப்போது தேவைப்படுவது, பொருளாதார வீழ்ச்சியில் இருந்து மேல் எழும்புவது மாத்திரமே. அதற்கு சீனாவைப் பயன்படுத்திக் கொள்கிறது அரசாங்கம்.
இந்தச் சந்தர்ப்பத்தை சீனா தனக்குச் சாதகமாகப் பயன்படுத்திக் கொள்கிறது. பூகோள அரசியல் போட்டியில், இலங்கையை தக்கவைத்துக் கொள்ளல் என்பது முக்கியமான விடயம்.
இந்தியப் பெருங்கடலில் இலங்கைத் தீவின் அமைவிடம் மிகவும் முக்கியமானது. அண்மையில் இலங்கைக்கு வந்திருந்த அமெரிக்காவின் பசுபிக் கட்டளை தளபதி அட்மிரல் ஹரி பி ஹரிஸ் இதனை தெளிவாகக் கூறியிருக்கிறார்.
இந்தியாவின் முன்னாள் தேசிய பாதுகாப்பு ஆலோசகர் சிவ்சங்கர் மேனன் அண்மையில் எழுதியுள்ள நூல் ஒன்றில், இலங்கைத் தீவை ஒரு விமானந்தாங்கி கப்பல் என்று குறிப்பிட்டிருக்கிறார்.
இந்தியப் பெருங்கடலின் கேந்திர முக்கியத்துவம் வாய்ந்த இடத்தில் இருப்பதால் தான், இலங்கையை தமது வசம் வைத்திருப்பதற்கு, அமெரிக்கா, இந்தியா, சீனா போன்ற நாடுகள் முயற்சித்துக் கொண்டிருக்கின்றன.
இந்தியா, அமெரிக்காவின் சார்பு நிலையில் இருந்து கொண்டு, சீனாவை ஓரம்கட்டிக் கொண்டு, ஆட்டத்தை ஆரம்பித்த தற்போதைய அரசாங்கத்தினால், பொருளாதார ரீதியாக பலம்பெற முடியவில்லை.
அதற்குப் பின்னர் தான் சீனாவையும் அரவணைத்துக் கொண்டு ஆடத் தொடங்கியிருக்கிறது.கொழும்பு நிதி நகரம், அம்பாந்தோட்டை துறைமுகம், அம்பாந்தோட்டை கைத்தொழில் வலயம் என்று தற்போது சீனா முப்பெரும் திட்டங்களில் முதலீடு செய்யத் தயாராக இருக்கிறது.
எல்லாம் சரியாக நடந்தால் அடுத்த 3 தொடக்கம் 5 ஆண்டுகளில், 5 பில்லியன் டொலர் முதலீடுகள் மேற்கொள்ளப்படும் என்று சீனத் தூதுவர் தெரிவித்துள்ளார்.
இலங்கையைப் பொறுத்தவரையில் இனிமேல் கடன் வாங்கி பொருளாதாரத்தைச் சீரமைக்க முடியாது என்ற கட்டத்தில் தான் வெளிநாட்டு முதலீடுகளை ஈர்த்து பொருளாதாரத்தை உயர்த்த முடிவு செய்திருக்கிறது.
சீனா மட்டும்தான் இப்போது பேரளவு நிதி முதலீட்டை மேற்கொள்ளக் கூடிய நாடாக இருக்கிறது.இலங்கையில் சீனாவுக்குத் தேவைகள் அதிகம் இருப்பதால், கண்ணை மூடிக் கொண்டு, கால்வைக்கவும் சீனா தயாராக இருக்கிறது.
அம்பாந்தோட்டையில் மஹிந்தவிடம் எதிர்பார்த்ததை விடவும் அதிகமான வாய்ப்புகளை தற்போதைய அரசாங்கம் கொடுக்கத் தயாராக இருப்பதை சாதகமாகப் பயன்படுத்திக் கொள்கிறது சீனா.
மிகப்பெரிய ஒரு நாட்டுக்குரிய வாய்ப்புகளை கொண்ட நாடாக இலங்கையைப் பார்க்கிறது சீனா. வெறும் பொருளாதாரப் பெறுமானங்களை மட்டும் வைத்து, இந்த வாய்ப்புகளை எடை போடுவதற்கு சீனா தயாராக இல்லை. இலங்கையின் கேந்திர முக்கியத்துவம் அத்தகையதொரு முடிவுக்கு வர சீனாவைத் தூண்டியிருக்கிறது.
அம்பாந்தோட்டைத் துறைமுகத்தை இராணுவ நலன்களுக்குப் பயன்படுத்தும் திட்டம் சீனாவிடம் இருந்தாலும், அதற்கான வாய்ப்புகளை இலங்கை அரசாங்கம் இப்போது வழங்கத் தயாராக இல்லாவிடினும், தனது கட்டுப்பாட்டில் அம்பாந்தோட்டைத் துறைமுகம் இருப்பது சீனாவைப் பொறுத்தவரையில் பெரும் பலம்.
இப்போது சீனா அதனைத் தான் முக்கியமான விடயமாகப் பார்க்கிறது.கடல்கடந்த தளங்களை அமைக்கும் விடயத்தில் சீனா அக்கறை கொண்டிருந்தாலும், அவசரப்படவில்லை. இதுவரையில் டி.ஜி.போட்டியில் மாத்திரமே கடற்படைத் தளத்தை அமைக்க சீனா முடிவு செய்திருக்கிறது,
எனவே, அம்பாந்தோட்டையில் அத்தகையதொரு வசதியை ஏற்படுத்திக் கொள்ளும் அவசரம் சீனாவுக்குக் கிடையாது. ஆனால், அத்தகையதொரு ஆர்வம் சீனாவிடம் இருக்கிறது.
இப்போது அவசரப்பட்டு, அம்பாந்தோட்டையில் தளம் அமைக்கக் கோரினால் அது எத்தகைய விளைவை ஏற்படுத்தும் என்பது சீனாவுக்கு நன்றாகவே தெரியும்.இந்தியா, அமெரிக்கா போன்ற நாடுகள் அதனைக் கடுமையாக எதிர்க்கும். உள்நாட்டிலும் எதிர்ப்புகளைச் சந்திக்க நேரிடும்.
ஆனால், அம்பாந்தோட்டை துறைமுகத்தையும், அதனைச் சுற்றியுள்ள பகுதியில் கைத்தொழில் வலயத்தையும் கட்டுப்பாட்டில் கொண்டு வந்துவிட்டால், அடுத்த 99 ஆண்டுகளுக்குள் சீனாவின் கனவு நனவாகும் வாய்ப்புகள் இருக்கின்றன.
அந்தக் கால இடைவெளிக்கும் அரசியல் மாற்றங்கள் நிகழலாம். இராணுவ மாற்றங்கள் இடம்பெறலாம். அதைவிட, சீனாவின் பிரசன்னத்தை அச்சுறுத்தலோடு பார்க்கின்ற ஒரு நிலை அடுத்த பத்து அல்லது அதற்கடுத்தடுத்த ஆண்டுகளில் மறைந்துவிடும்.
காலடி எடுத்து வைக்கும் வரையில் தான் கடுமையான எதிர்ப்புகள் இருக்கும். கால் வைத்த பின்னர் அந்த எதிர்ப்புகள் படிப்படியாக குறையத் தொடங்கிவிடும்.அதனைத்தான் சீனா கவனத்தில் கொண்டிருக்கிறது.
இலங்கையில் சீனாவின் முதலீடு பொருளாதார நோக்கத்தைக் கொண்டதல்ல. அது முற்றிலும் பூகோள அரசியல் நலனையும், பாதுகாப்பு நலனையும் அடிப்படையாகக் கொண்டதேயாகும்.
இத்தகைய நிலையில், ஹம்பாந்தோட்டை துறைமுகத்தினால் ஏற்படக்கூடிய நட்டத்தை அல்லது கைத்தொழில் வலயத்தை அமைப்பதற்காக செலவிடுகின்ற முதலீட்டையிட்டு சீனா கவலைப்படாது.
இலங்கையிலிருந்து சீனாவுக்கு, தேவைப்படுவது போருளாதார இலாபங்களோ, வருமானங்களோ அல்ல. அதற்கு அப்பாற்பட்ட ஆதாயங்களை இங்கு நிலைகொள்வதன் மூலம் சீனாவினால் பெறமுடியும். எனவேதான், மெதுமெதுவாக தனது பலத்தை இலங்கையில் பெருக்கிக் கொள்ளத் திட்டமிடுகிறது சீனா.
இலங்கையில் மஹிந்த ராஜபக்ச என்ற தனது நண்பனின் எதிர்ப்புகளைக் கூடப் பொருட்படுத்தாமல், முதலீடுகளில் கவனம் செலுத்த ஆரம்பித்திருக்கிறது சீனா.
மஹிந்த ராஜபக்சவைப் பொறுத்தவரையில் சீனாவுக்கு வேண்டியவராகவோ சிறந்த நண்பனாகவோ இருக்கலாம். ஆனால், அவர் அதிகாரத்துக்கு வரும் வரைக்கும், சீனாவினால் இலங்கையில் தனது நலன்களை விட்டுக் கொடுத்துக் கொண்டிருக்க முடியாது.
இலவுகாத்த கிளியாக இருப்பதற்கு சீனா தயாராக இல்லை. அதனால்தான், தற்போதைய அரசாங்கம் தள்ளாடிக் கொண்டிருந்த சந்தர்ப்பத்தை சரியாகப் பயன்படுத்திக் கொண்டிருக்கிறது.
இப்போது மஹிந்த ராஜபக்ச எதிர்த்தாலும், உள்ளூரில் அல்லது, வெளிநாட்டிலிருந்து எதிர்ப்புகள் வந்தாலும், அம்பாந்தோட்டையில் முதலீடுகளைச் செய்யும் முடிவில் இருந்து சீனா ஒருபோதும் பின்வாங்கப் போவதில்லை.
உள்ளூர் மக்கள் எதிர்ப்புத் தெரிவிப்பார்கள் என்பதால், இந்தத் திட்டத்தில் முதலீடு செய்ய வேண்டாம் என்று மஹிந்த ராஜபக்ச சீனாவிடம் எச்சரித்திருந்தார்.ஆனால் சீனா அவரது சொல்லைக் கேட்கவில்லை.
உள்ளூர் மக்கள் எதிர்த்தாலும், யார் எதிர்த்தாலும், ஹம்பாந்தோட்டையை வசப்படுத்தும் முடிவை மாற்றப் போவதில்லை என்பதில் உறுதியாக இருக்கிறது.
இது மஹிந்த ராஜபக்சவுக்கு ஏமாற்றத்தைக்கூட அளித்திருக்கலாம்.எத்தகைய சக்திகள் எதிர்த்தாலும், தமது முடிவை மாற்ற முடியாது என்பதில் சீனா உறுதியான நிலையில் இருக்கிறது.
உள்நாட்டில் எதிர்ப்புக் கிளம்பினாலும், அதனை பெரிய விடயமாக சீனாவோ, அரசாங்கமோ கருதவில்லை.அதற்கு மாற்றான திட்டங்களை நடைமுறைப்படுத்தத் தொடங்கியுள்ளது,
தொழிற்பயிற்சி நிலையத்தை அமைத்து, தொழிற்சாலைகளில் பணியாற்றவுள்ளோருக்கு பயிற்சி அளிக்க சீனா திட்டமிட்டுள்ளது. இது தொழிற்சாலைகள் தொடங்கப்படுவதற்கு முன்னரே, அதற்கு எதிராகக் காணப்படும் எதிர்ப்புகளை உடைக்கும்.
தமக்கு வேலை கிடைக்கும் என்பது உறுதியானால், போராட்டத்தின் மீது ஆர்வம் குறையத் தொடங்கும். இந்த விடயத்தில் சீனாவும், இலங்கை அரசாங்கமும் திட்டம் போட்டு காய்களை நகர்த்துகின்றன.
இந்த நிலையில் மஹிந்த ராஜபக்சவின் எதிர்ப்பு படிப்படியாக குறையத் தொடங்கலாம். ஆனால் அரசியல் ரீதியாக பலமிழந்துள்ள மஹிந்தவுக்கு அம்பாந்தோட்டை அமைதியடைவது ஆபத்தானது.
எனவே அம்பாந்தோட்டையை சுற்றி, எப்போதும் குழப்பம் நீடிப்பதையே அவர் விரும்புவார்.அதனைத் தடுக்கவே தொழிற்பயிற்சி நிலையத்தையும் சீனா தொடங்கியுள்ளது.
இது அம்பாந்தோட்டை விடயத்தில் சீனா மிக திட்டமிட்டு செயற்படுகிறது என்பதை வெளிப்படுத்துகிறது.கொழும்புத் துறைமுக நகரத் திட்டம் போல இதுவும் பிசுபிசுத்து விடாதபடி சீனா, பார்த்துக் கொள்ளும் என்பது தெளிவாகவே தெரிகிறது.

சனி, 14 ஜனவரி, 2017

தமிழனின் தைப் பொங்கல்

 தமிழனின் தைப் பொங்கல்




ஊணமாகிப் போன  உரிமை!
ஈனமாகிப் போன இனம்! 
தானமாகிப் போன இடம் !
வீணாகிப் போன விளைச்சல்!  
நானாக வாழ நம்பிக்கை! 
தேனாக இனிக்கும் பொங்கல்! 

வெள்ளி, 13 ஜனவரி, 2017

முதன் முறையாக "டாடா" சாம்ராஜியத்தின் தலைவராக தமிழர்..!

முதன் முறையாக "டாடா" சாம்ராஜியத்தின் தலைவராக தமிழர்..!


முதன் முறையாக



உலகின் முதன்மை தொழில் நிறுவனங்களில் ஒன்றான டாடா குழுமத்தின் தலைவராக தமிழ் ஒருவர் நியமிக்கப்பட்டுள்ளார். என்.சந்திரசேகரன் என்பவரே இவ்வாறு நியமிக்கப்பட்டுள்ளார்.
100 ஆண்டுகள் வரலாற்றைக்கொண்ட சுமார் 7 லட்சம் கோடி ரூபாய் மதிப்புள்ள டாடா குழுமத்தின் தலைவராக தமிழர் ஒருவர் நியமிக்கப்பட்ட முதலாவது சந்தர்ப்பம் இதுவாகும்.
குறித்த அறிவிப்பு வெளியான நாள் முதல் கூகுள் தேடு பொறியில் அதிகம் தேடப்பட்ட நபராக என்.சந்திரசேகரன் இடம்பிடித்துள்ளார்.
1963ஆம் ஆண்டு பிறந்த இவர், திருச்சியில் உள்ள மண்டல பொறியியல் கல்லூரியில் பட்டப்படிப்பை முடித்தார். இந்நிலையில். 1987ஆம் ஆண்டு டாடா கன்சல்டன்சி சர்வீஸில் இணைந்துகொண்டார்.
தனது அபார திறமையினால் படிப்படியாக பதிவியுயர்வு பெற்ற அவர், 2009ஆம் ஆண்டு டி.சி.எஸ் இன் தலைமை அதிகாரியாக பொறுப்பேற்றுக்கொண்டார்.
கடந்த ஆண்டு ஒக்டோம்பர் மாதம் டாடா குழுமத்தின் கூடுதல் இயக்குனராக பொறுப்பேற்றுக்கொண்ட அவர், நேற்றைய தினம், டாடா குழுமத்தின் தலைவராக நியமிக்கப்பட்டுள்ளார்.
இதேவேளை, all - asia executive ranking அமைப்பினால் தொடர்ந்து ஐந்து முறை சிறந்த தலைமை அதிகாரியாக என்.சந்திரசேகரன் தெரிவு செய்யப்பட்டுள்ளமை குறிப்பிடத்தக்கது.

வியாழன், 12 ஜனவரி, 2017

கோபம் !


ஒரு சமயம், கண்ணன், பலராமன் மற்றும் யாதவ குல வழி தோன்றலான சாத்யகி ஆகிய மூவரும் குதிரையில் ஏறி, பயணம் புறப்பட்டனர். இருள் சூழும் நேரத்தில் அடர்ந்திருந்த காட்டுப் பகுதியை அடைந்தவர்கள், 'இருட்டும் நேரத்தில் இதற்கு மேல் பயணம் செய்ய வேண்டாம்...' என, நினைத்து, அக்காட்டிலேயே தங்க தீர்மானித்தனர்.
குதிரைகளின் சேணங்களை அவிழ்த்து, அவைகளை அங்கிருந்த மரங்களில் கட்டி முடிப்பதற்குள், இரவின் முதல் யாமம் கடந்து விட்டது. அதனால், மூன்று யாமங்கள் தூங்கி, விடியற்காலையில் புறப்படலாம் என, முடிவு செய்தனர். பின், 'தூங்கும் போது குதிரைகளை யாராவது திருடி விட்டால் என்ன செய்வது...' என நினைத்து, ஒவ்வொருவரும் ஒவ்வொரு யாமம் காவல் காப்பதென்றும், அந்நேரத்தில், மற்ற இருவரும் தூங்குவதென்றும் முடிவு செய்தனர்.
முதலில், சாத்யகி காவல் காக்க, மற்ற இருவரும் தூங்கினர். சிறிது நேரத்தில் பெரும் பிசாசு ஒன்று தோன்றி, 'தூங்கும் இருவரையும், தின்னப் போகிறேன்; அதற்கு நீ அனுமதித்தால், உன்னை ஒன்றும் செய்ய மாட்டேன்...' என்றது!
சாத்யகி பயப்படாமல், 'பிசாசே... வாயை மூடி, பேசாமல் போய்விடு; இல்லை என்றால், உன் கதையை முடித்து விடுவேன்...' என்று மிரட்டினார்.
'என் ஒரு பிடிக்கு தாங்க மாட்டாய்... என்னை மிரட்டுகிறாயா...' என்றபடி, சாத்யகி மீது பாய்ந்தது, பிசாசு.
உடனே, சாத்யகிக்கு கடுமையான கோபம் வர, பிசாசுடன் கட்டிப் புரண்டார். சாத்யகியின் கோபம் அதிகரிக்க அதிகரிக்க, பிசாசின் பலம் கூடிக் கொண்டே போனது. இதனால், சாத்யகியின் உடலெங்கும் ரத்த காயங்கள் ஏற்பட்டன. அடுத்த யாமம் நெருங்கும் நேரம், பிசாசு, 'பளிச்' சென்று மறைந்தது.
பலராமரை எழுப்பி, தூங்கப் போனார் சாத்யகி. சற்று நேரத்தில், மறுபடியும் பிசாசு வந்தது. சாத்யகியை போலவே, பலராமரும், பிசாசுடன் சண்டை போட்டார். பலராமருக்கு கோபம் அதிகரிக்க, பிசாசுக்கு பலம் கூட, பலராமருக்கு உடலெங்கும் காயம்.
இந்நிலையில், அடுத்த யாமம் நெருங்க, பிசாசு மறைந்தது. பலராமர் கண்ணனை எழுப்பி, காவலுக்கு அனுபினார். கண்ணன் காவல் காத்த போது, வழக்கம் போல் பிசாசு வந்தது.
'நீயாவது நான் சொல்வதைக் கேள்; இவர்கள் இருவரையும் எனக்கு உணவாக விட்டு விட்டு, ஓடிப் போய் விடு...' என்றது!
கோபிக்கவில்லை, கண்ணன். மாறாக, 'நல்லவேளை... நீ வந்தாய். தனியா அமர்ந்திருக்கிறோமே என நினைத்தேன். இப்போது உன்னுடன் சண்டை போடுவதன் மூலம் பொழுதும் கழியும்; சோம்பலும் இருக்காது...' என்று கூறி சிரித்தார்.
கோபத்துடன் கண்ணன் மீது பாய்ந்தது, பிசாசு. அது, கோபத்தோடு எகிற எகிற, கண்ணன் சிரித்தபடியே, 'ஆகா... நீ எவ்வளவு பெரிய வீரன்; என்ன அருமையாக சண்டையிடுகிறாய்...' என்று சொல்லச் சொல்ல, பிசாசின் வடிவமும், பலமும் கொஞ்சம் கொஞ்சமாக குறைந்து, சிறு புழு போன்று ஆகிவிட்டது.
அதை, துணியின் ஓரத்தில் முடிந்து வைத்தார், கண்ணன். பொழுது விடிந்ததும், சாத்யகியும், பலராமரும் இரவில் பிசாசுடன் தங்களுக்கு நேர்ந்த அனுபவங்களை சொல்லி, உடலில் ஏற்பட்ட காயங்களை காட்டினர். அப்போது, தான் துணியில் முடிந்து வைத்திருந்த சிறு புழுவை எடுத்து வெளியில் விட்டு, 'நீங்கள் இரவில் சண்டையிட்டதாக கூறிய பிசாசு இதுதான்; இதன் பெயர்: கோபம். நாம் கோபத்தை காட்டக் காட்ட, இது வளர்ந்து கொண்டே போகும்; கோபப்படாமல் இருந்தால், இதுவும் பலமிழந்து, செயலற்று போய் விடும். நாம் கோபத்தை அடக்கும் போது, எதிராளி பலமிழப்பான்...' என விவரிக்க, சாத்யகியும், பலராமரும், தங்கள் தவறை உணர்ந்தனர்.
நாமும், நம் கோபத்தை கைவிட்டு, எல்லாரையும் அன்பினால், வசப்படுத்துவோம்! 
வாழ்க வளமுடன் 
G N சாமி

இன்று சுவாமி விவேகானந்தர் பிறந்த தினம்-

இன்று சுவாமி விவேகானந்தர் பிறந்த தினம்-
*******************வணங்கி வழி படுவோம்..வழி நடப்போம் ************
1893 ஆம் ஆண்டு செப்டம்பர் 11ம் தேதியில் அமெரிக்கா வின் சிக்காகோ மாநிலத்தில் நடந்த உலக ஆன்மீக மாநா ட்டில் கலந்து கொள்வதற்காக பல்வேறு நாடுகளி லிருந்து பல மதங்களை சேர்ந்த பேச்சாளர்கள் கூடி யிருந்தனர்.
இந்தியாவை பிரதிநிதியாக ஒருவர் அந்த மாநாட்டில் கலந்து கொண்டிருந்தார் அவரது முறை வந்ததும் பேசுவ தற்கு மேடை ஏறினார். தனக்கு முன் பேசியவர்கள் போல மிடுக்கான கோட் சூட் உடைகளைப்போல் அல்லா மல் காவி உடையும் தலைப்பா கையும் அணிந்திருந்த அவரை பார்த்தவுடன் அரங்கத்தில் லேசா ன சலசலப்பும் சிரிப்பும் பரவியது. சிலர் கேலியுடன் பார்த்தனர்,
வேறு சிலர் இவர் என்ன பேசப் போகிறார் என்று கொட் டா வி விட்டனர். இன்னும் சிலர் அருகில் அமர்ந்திரு ந்தவரிட ம் பேசத் தொடங்கினர்.அந்த அலட்சியத்தை யெல்லாம் பொருட் படுத்தா மல் அமைதியாக சிறிது நேரம் அனை வரையும் பார்த்த பிறகு சகோதர சகோத ரிகளே என்று தனது சொற்பொழிவை தொடங்கி னார். அவர் கூட்டத்தி னரை அவ்வாறு அழைத்த விதத்திலே யே அரங்கத்தில் உள்ள அனைவரின் கவனமும் அவர் மீது திரும்பி யது சிறிது மவுனம் காத்த பிறகு தனது பேச்சை தொடர்ந்தார்
அவர் பேசி முடித்தபோது அரங்கம் வியப்போடு கைதட்டி அவருக்கு மரியாதை செய்தது. அவரது ஆடையிலிருந்த வித்தியாசத்தை மறந்து அவரின் பேச்சிலிருந்த உயர்ந்த கருத்துக்களை நினைத்து மகிழ்ந்தது.
இதை விட முக்கியமானது என்னவென்றால் நம்ம நிக்கோலஸ் டெஸ்லா தெரியுமா..அதாங்க நாம் உபயோகபடுத்துகிற அல்டர்நேடிவ் கரண்ட்டை கண்டு பிடித்தது நம்ம டெஸ்லா தாங்க.. அது மட்டுமல்லாமல் ரிமோட் கண்ட்ரோல்,லேசர் வானொலி,நியான் பல்பு என்று நிறைய கண்டு பிடித்தார்.தாமஸ் ஆல்வா எடிச னின் கண்டு பிடிப் புகளில் பாதிக்கும் மேல் டெஸ்லாவி னால் கண்டுபிடிக்கப்பட்டு எடிசனால் காப்பிரைட் வாங்க ப்பட்டது என்றுஅமெரிக்க மீடியாக்கள் இன்றும் சொல்லி க் கொண்டு இருக் கிறது.
நம்ம விவேகானந்தர் சிகாகோவில் சமய சொற்பொழிவு ஆற்றும் பொழுது நின்று கொண்டே மெய் மறந்து கேட்ட விஞ்ஜானிகளில் இந்த நிக்கோலஸ் டெஸ்லாவும் ஒருவ ர். அதன் பின் விவேகா நந்தரை வணங்கிய டெஸ்லா சொன்ன வார்த்தை என்ன தெரியுமா?எங்களின் கண்டு
பிடிப்புகளுக்கு இந்துமதத்தின் வேதாந்த கருத்துக்களே மூல காரணம் என்றாராம்.பார்த்தீர்களா நம்ம இந்து மதத்தின் பெருமையை..வெளி நாட்டு விஞ்ஜானிக்கு தெரிந்தது நம்ம பகுத்தறிவு மூதேவிகளுக்கு தெரிய வில்லையே..
இந்தியா, இந்துமதம் பற்றிய விழிப்புணர்வை ஏற்படுத்தும் கருத்துக்களை அந்த அந்நிய மேடையில் அழகாக முழங் கி மேற்கத்திய உலகில் மரியாதையைப் பெற்ற அந்த வரலாற்று நாயகர்தான் சுவாமி விவேகானந்தர். செல்வ செழிப்பில் பிறந்தும் துறவரம் பூண்டு நவீன இந்தியாவுக்கு நல்வழிகாட்டிய விவேகானந்தர் 1863 ஆம் ஆண்டு ஜனவரி 12-ஆம் தேதி கல்கத்தாவில் புகழ்பெற்ற தத்தா குடும்பத்தில் உதித்தார்.
நரேந்திர நாதர் அதுதான் விவேகானந்தரின் இயற்பெயர். தந்தை விஸ்வநாதர் தாயார் புவனேஸ்வரி தேவி, செல்வந்தர்களாகவும் அதே நேரத்தில் மக்களின் மரி யாதை பெற்றவர்களாகவும் இருந்தனர். ஆங்கிலம் மற்றும் பெர்ஸிய மொழிகளில் புலமைப் பெற்றிருந்த தந்தை கல்காத்தா உயர்நீதிமன்றத்தில் வழக்கறிஞராக பணியாற்றினார். மிகவும் கருணை உள்ளம் படைத்தவர் அவர். தாய் புவனேஸ்வரி தேவி ராமாயணத்திலும் மகாபாரத்திலும் புலமைப் பெற்றிருந்தார்.
தினசரி நரேந்திர நாதருக்கு அவர் ராமாயண, மகாபாரத கதைகளை சொல்வார். ராமர் கதாபாத்திரின் மீது மரி யாதை தோன்றி ராமரை வணங்க தொடங்கினார் நரேந்திர நாதர். சிறுவயதிலேயே தியானத்தில் மூழ்க தொடங்கினார்.
குழந்தையாக இருந்த போதே,நரேந்திர நாதர் அவர்களுக்கு துறவிகள் மீது பெரும் மரியாதை இருந்தது. யார், எதை அவரிடம் கேட்டால், கேட்டவுடனேயே விட்டுக் கொடுக்க வேண்டுமென்ற மனப்பக்குவம் கொண்டிருந்தார். அவரி டம் பிச்சைக்காரன் பிச்சைக் கேட்கும் போதெல்லாம், அவரிடத்தில் இருக்கும் அனைத்தையும் கொடுத்து விடு வார். இதனால் குழந்தைப் பருவத்திலிருந்தே நரேந்திர நாதருக்கு அவர்களுக்கு, தியாகம் மற்றும் துறவற உணர்வு இருந்தது
1879ல் மெட்ரிக் பள்ளிப்படிப்பை முடித்து, கல்கத்தாவிலுள் ள பிரசிடென்சி கல்லூரியில் சேர்ந்தார். ஒரு வருடம் கழித்து, அவர் கல்கத்தாவிலுள்ள ஸ்காட்டிஷ் சர்ச் கல்லூ ரியில் சேர்ந்து தத்துவப் பாடத்தைப் படித்தார். அவர் மேற்கத்திய தத்துவங்களை யும், ஐரோப்பிய நாடுகளின் வரலாற்றை யும் படித்தார்.
அவர் தனது ஆய்வுகளில் முன்னேறியதும், அவரது சிந்தனை களின்பீடம் அபிவிருத்தி அடைந்தது. கடவுள் இருப்பது பற்றித் தொடர்பான சந்தேகங்கள், அவரது மனதில் எழத் தொடங்கியது. இதுவே, அவரை ‘கேஷப் சந்திர சென்’ தலைமையிலான முக்கிய மத இயக்கமான ‘பிரம்ம சமாஜில்’ இணைய செய்தது. ஆனால், பிரம்ம சமாஜின் பிரார்த்தனைகளும், பக்தி பாடல்களும் கடவு ளை உணர்த்ததாதன் காரணமாக அவருடைய ஆர்வம் பூர்த்தி அடையவில்லை.
இந்த நேரத்தில், தஷினேஸ்வர் ‘ஸ்ரீ ராமகிருஷ்ணா பரமஹம்சர் பற்றி நரேந்திர நாதருக்குதெரிய வந்தது. ஸ்ரீ ராமகிருஷ்ணர் அவர்கள், காளி அம்மன் கோவிலில் ஒரு பூசாரியாக இருந்தார். அவர் ஒரு கல்வியாளராக இல்லை யென் றாலும், ஒரு சிறந்த பக்தனாக இருந்தார். அவர் பல முறைக் கடவுளை உணர்ந்தார் என்றும் கூறி னார். ஒருமுறை நரேந்திர நாதர்அவரது நண்பர் களுடன் அவ ரைப் பார்க்க தஷினேஸ்வருக்குச் சென்றார்.
சிறுவயதிலேயிருந்து எல்லாவற்றையும் ஆராய்ந்து அறியும் குணம் அவருக்கு இருந்தது. புரிதலுக்கு பிறகே ராமகிருஷ்ண பரமஹம்சரிடம் சீடராக சேர்ந்தார். ராம கிருஷ்ணரை தனது குரு வாக ஏற்றுக் கொண்டு, இரட் டைத் தன்மையல்லாத அத்வைத வேதாந்தத்தில் ஐந்து ஆண்டுகள் அவரின் கீழ் பயிற்சி மேற் கொண்டார். யோகா சனத்தை முழுமையாக கற்று வேதாந்தங்க ளை கற்பிக்க தொடங்கினார்
மற்ற சீடர்களிலிருந்து வேறுபட்டு விவேகமிக்கவராக திகழ்ந்ததால் நரேந்திர நாதருக்கு 'விவேகானந்தர்' என்ற பெயரை சூட்டினார் ராமகிருஷ்ண பரமஹம்சர். அன்றி லிருந்து அந்த பெயரிலேயே அழைக்கப்பட்டார். 1886ல், ஸ்ரீ ராமகிருஷ்ணரர் அவர்கள் காலமானார். அதன் பின்னர், சுவாமி விவேகானந்தர் அவர்கள், அவரது வாரிசாக பரிந்துரைக்கப்பட்டார்.
சுவாமி விவேகானந்தர் அவர்கள், கன்னியா கு மாரிக்கு டிசம்பர் 24, 1892ல் வந்தார்அவர் கடலில் சிறிது தூரம் நீந்தி, ஒரு தனி பாறையின் மீது அமர்ந்து, தனது தியானத்தைத் தொடங்கினார். 24,25,26 ஆகிய மூன்று நாட்கள் அங்கு தியானம் மேற்கொண்ட அவர், இந்தியாவி ன் கடந்த, தற்போதைய மற்றும் எதிர்காலம் பற்றி தன் தியானத்தில் கண்டு விழுமின் எழுமின் என்று இந்திய இளைஞர்களுக்கு அறிவுரை கூறினார்.
உலகம் முழுவதும் இந்தியாவின் சிறப்பையும், இந்துமத த்தின் பெருமைகளையும் முழங்கி வந்த விவேகானந்தர் 1902 ஆம் ஆண்டு ஜூலை 4 ந்தேதி தமது 39 வயதில் இறைவனடி சேர்ந்தார்.100 இளைஞர்களை தாருங்கள் இந்தியாவையே மாற்றிக் காண்பிக் கிறேன் என்று அன்றே மோடி மாதிரி இந்தியாவை மாற்றிக் காண்பிக்கிறேன் என்று முழங்கிய விவேகானந்தரின் பிறந்த நாள் தான் இந்தியாவில் தேசிய இளைஞர் தினமாக இன்று கொண்டாடப்
படுகிறது