வியாழன், 6 ஜனவரி, 2011

இலங்கைத் தமிழர் ஒரு தேசிய இனமல்ல,


இலங்கைத் தமிழர் ஒரு தேசிய இனமல்ல, அவர்கள் சுயாட்சியினை கோரமுடியாது.நல்லிணக்க ஆணைகுழு முன் ஜாதிக ஹெல உறுமையவின் சட்ட
ஆலோசகர் உதய கம்மன் பில்ல.

இலங்கையிலுள்ள தமிழ்மக்கள் ஒரு தேசிய இனமல்ல,அவர்கள் மக்களின் சிறு பகுதியினரே ஆகும்.அதாவது ஜப்பானிலுள்ள கொரியர்கள் போலவும்,தாய்லாந்தில் உள்ள 
சீனர்கள் போலவும்,ஆகவே தமிழர்கள் சுய நிர்ணைய உரிமை கோரமுடியாது.ஆனால் தமிழ் நாட்டிலுள்ள தமிழர்கள்,இந்தியாவின் தேசிய இனமாகும்.

எதிர் காலத்தில் மூன்று முக்கிய இடங்களில் தமிழ் பிரிவினை வாதத்தின் தலைமைத்துவம் உருவாகலாம்.கொழும்பில் நண்பர் சுமந்திரன் அவ்வாறு உருவாக்கலாம்.வட கிழக்கில் அரச சார்பற்ற நிறுவனங்கள் உருவாக்கலாம்
புலம்பெயர் தமிழ் மக்கள் மத்தியில் அலி ஜின்னா போன்ற கதாபாத்திரத்தைக் கொண்ட 
தலைவர் ஒருவரை உருவாக்கலாம். 

இலங்கையைப் பொறுத்தவரை சிங்கள மக்களை மட்டுமே,ஒரு இனமாக கருத முடியும்.
அந்த வகையிலேயே எமது கலாசாரம் வரலாறு போன்றவை அமைந்துள்ளது.ஆனால் 
இந்தியாவினுள்ள தமிழகத்தினுள்ள தமிழ் மக்கள்,அங்கு தங்களை ஒரு தேசிய இனமாகப் பார்க்கலாம். அதாவது தாய் மக்களின் தாய் நாடு தாய்லாந்து,போன்று 
ஜப்பானியர்களின் நாடு ஜப்பான்.இலங்கையின் தேசிய இனமாக சிங்கள  மக்களைமட்டுமே பார்க்கலாம்.

தமிழ் நாட்டிலுள்ள தமிழ் மக்கள் அங்கு தேசிய இனமாகின்ற அதேவேளை ஏனைய 
நாடுகளான,இலங்கை,சிங்கப்பூர்,மடகஸ்கார்,கென்யா போன்ற நாடுகளில் தமிழ் மக்கள் 
ஒரு சிறிய பிரிவினர் மட்டுமேயாகும்.அதாவது ஜப்பானிலுள்ள கொரியர்கள் போன்றும் 
தாய்வானிலுள்ள,சீனர்கள் போன்றவர்களே இலங்கையிலுள்ள தமிழர்கள்.எனவே அவர்களால் சுயாட்சியையோ,சுய நிர்ணய உரிமையையோ கோர முடியாது.சிறு மக்கள் பிரிவினருக்கு உரிய உரிமைகளை மட்டுமே அனுபவிக்க முடியும்.சிறிய மக்கள் 
பிரிவினர்களுக்கான உரிமைகள் தொடர்பில் ஐக்கிய நாடுகள் சபையின் பிரகடனத்தில் 
கூறப்பட்டுள்ளதைவிட,அதிகளவில் எமது நாட்டில் தமிழ் மக்களுக்கு நாங்கள் செய்துள்ளோம்.தமிழ் மக்களின் தாயகமான,இந்தியாவில் கூட தமிழ் மொழி அரச கரும 
மொழியாக இல்லை.ஆனால் இலங்கையில் உள்ளது.அந்த வகையில் நாம் இந்தியாவை விட முன்சென்றுள்ளோம்.

செல்வநாயகம் உட்பட எந்த தலைவரும் வட கிழக்கு எவ்வாறு தமிழர்களின் தாயகமாக 
இருக்கும் என்பதை நிருபிக்கவில்லை.தமிழ்மக்கள் எவ்வாறு தேசிய இனமாக வருவார்கள் என்பதனை நிருபிக்கவில்லை.செல்வநாயகம் அகிம்சை வாதி எனக் குறிப்பிடுகின்றார்கள்,ஆனால் அவரின் உண்மையான நடத்தையை உற்று நோக்கினால் 
அவர் எத்தகைய அகிம்சைவாதி என்பது புரியும்.ஒரு சந்தர்ப்பத்தில் செல்வநாயகத்தின் 
கொள்கைகளுக்கெதிராக யாழ்பாணத்தில் சிதம்பரம்,கனகசிங்கம்,மற்றும் நேசையா 
உள்ளிட்ட பலர் கூட்டம் ஒன்றை நடத்தினர்.அக் கூட்டத்தை குண்டர்களை அனுப்பி 
செல்வநாயகம் குழப்பியிருந்தார்.செல்வநாயகத்தின் அகிம்சைக் கூட்டங்களில் 
பங்கெடுக்காதவர்களை குண்டர்களைக்கொண்டு தாக்கவைத்தார்.

இற்றைக்கு பன்னிரண்டு வருடங்களுக்கு முன்னர் புலிகளைத் தோற்கடிக்க முடியும் என்று எமது கட்சி கூறியது.அதாவது புலிகள் தோற்கடிக்கப் படவேண்டும் என்பதனை   எல்லோரும் ஏற்றுக்கொண்டாலும்,அது முடியாத காரியம் என்றே எல்லோரும் நம்பினர்.
நாங்கள் அந்த கூற்றை உடைத்தோம்.விளைவாக புலிகள் தோற்கடிக்கப் பட்டனர்.

நாங்கள் சர்வ கட்சிப் பிரதிநிதிகள் குழுவில் தெரிவித்த விடயம் ஒன்றுள்ளது.அதாவது 
செல்வநாயகத்தின் அகிம்சை ரீதியிலான அச்சுறுத்தலுக்கோ,பிரபாகரனின் ஆயுத ரீதியிலான அச்சுறுத்தலுக்கோ அடி பணிந்ததில்லை.மாறாக தர்க்கங்களை ஏற்றுக் 
கொள்வோம்.நாங்கள் பௌத்தர்கள் தர்க்கவியல் ரீதியில் நிருபிக்கப்படும்விடயங்களை 
ஏற்றுக்கொள்வோம்.தமிழீழம் சரியான கோரிக்கை என நிருபித்தால்.அதற்காக முன் நிற்கத் தயார் என்று கூறி வந்தோம்.யாரும் அதனை நிருபிக்க முன் வரவில்லை,மாறாக 
அச்சுறுத்தலே வந்தது.

தற்போது மக்களுக்கு ஒரு விடையத்தைக் கூற வேண்டும்.புலிகளைத் தோற்கடித்த வெற்றிக்களிப்பில் தொடர்ந்து இருக்கவேண்டாம். அதற்கடுத்த பிரிவினைவாத சவாலை 
எதிர் கொள்ள முன் வாருங்கள். நவீன முறையில் பிரிவினை வாதம் உருவாகலாம்.
புலியின் வால்  மட்டுமே இலங்கையில் இருந்தது  நாம் வாலை  வெட்டியுள்ளோம்.
வாலை வெட்டிய நாங்கள் புலிகள் தோற்கடிக்கப்பட்டதாக கூறுகின்றோம் .ஆனால் 
புலியின் வாய் நோர்டிக் நாடுகளிலுள்ளது.முன் கால்கள் கனாடவிலும் ஐரோப்பிய 
நாடுகளிலும் உள்ளது.பின் கால்கள் தென் ஆபிரிக்காவிலும்,அவுஸ்திரேலியாவிலும் 
உள்ளன.எனவே நமக்கு ஒரு சின்ன இடை வெளி மட்டுமே கிடைத்துள்ளது.

இற்றைக்கு நூறு வருடங்களுக்கு முன்னர் இஸ்ரேவேல் என்ற ஒரு நாடு இருக்க வில்லை.என்பத்தாறு நாடுகளில் யூதர்கள் பரந்துபட்டுக் காணப்பட்டார்கள்.எனினும் 
 என்பத்தாறு நாடுகளில் பரந்து காணப்பட்ட யூதர்கள் ஒருகட்டத்தில் ஒன்றிணைந்து
இயக்கம் ஒன்றை ஆரம்பித்து பாலஸ்தீனத்திற்குள் இஸ்ரேல் என்ற நாட்டை 
உருவாக்கினார்கள்.

இந்தியாவில் முதலில் ஏற்பட்டது,முஸ்லிம் பிரிவினை வாதம் அல்ல.மாறாக 1919   
ஆம் ஆண்டில் சுய நிர்ணய அரசியலமைப்பு வந்ததும்,தமிழ்,கன்னடம்,தெலுங்கு,ஆந்திரா 
ஆகிய பகுதிகள் ஒன்றாக இருக்க வேண்டும் என்ற கோரிக்கை வலுத்தது. 1935 ஆண்டு 
அரசியலமைப்பின்போது அந்த கோரிக்கை முன் வைக்கப்பட்டது பின்னர் நாம் தமிழர் 
இயக்கம் உருவானது.ஆனால் 1962ஆம் ஆண்டு,இந்திய அரசாங்கத்தின் இராணுவப் பிரிவால் அந்த இயக்கம் அழிக்கப்பட்டது.இதனையடுத்து 1962ல் லண்டனில் உள்ள,உலக  தமிழ் சங்கத்தினால் மாநாடு ஒன்று நடத்தப்பட்டது.இலங்கையில் சிறைப் பட்டிருந்த 
செல்வநாயகம் சிகிச்சைக்காக லண்டன் சென்றபோது அந்த மகா நாட்டில்  கலந்து கொண்டார். அப்போது அவர் அந்த மகா நாட்டில் கலந்து கொண்டு என்ன கூறினார்?இந்தியா பெரிய நாடு.அதனுடன் மோதி நாட்டைப் பெற முடியாது என்றார்.பின்னர்
இலங்கை தெரிவு செய்யப்பட்டது. செல்வநாயகம் மலேஷியாவில் பிறந்து,இலங்கையில்
குடியேறியவர்.

அன்று சர்வதேச நாடுகள் பிரிவினைக்கு மறைமுகமாக உதவி செய்தன,ஆனால் இன்றோ நேரடியாக பிரிவினை வாதத்திற்கு ஆதரவாகச் செயல் படுகின்றன.எதிர் காலத்தில் நான் சொன்னது போல் பிரிவினைவாதத் தலைவர்கள் உருவாகலாம் அவர்களை எதிர் கொள்ள நம் தயாராக வேண்டும்.இதற்காக சட்டம்அறிவு,தொல்பொருள்
உள்ளிட்ட விடயங்கள் சார்ந்த அறிவுடைய ராஜதந்திர படை ஒன்றை நாங்கள் உருவாக்க வேண்டும்.    

  
.  ,

புதன், 5 ஜனவரி, 2011

பொனி-எம் பாடகர் பொபி பரேல் மரணம்

பொனி-எம் பாடகர் பொபி பரேல் மரணம்


அறுபத்தொரு  வயதுடைய பொபி பரேல் Roberto "Bobby" Alfonso Farrell பொனி-எம் குழுவில் முக்கியமான பாத்திரம் வகுத்தவர்.இந்தவயதிலும் ரஷ்யாவில் சென்.பீட்டர்ஸ் பார்க்கில் 30டிசம்பர் 2010
நடைபெற இருந்த இசை நிகழ்ச்சியில் கலந்து கொள்வதற்கு சென்று தங்கியிருந்த,
ஹோட்டலில்,இருதய நோயால் மரணமடைந்தார்.

பொனி எம் இசைக்குழுவில் பொபி பரேல்,மைசி வில்லியம்ஸ்,லிஸ் மிச்செல்,மார்சியா
பரேட் போன்றவர்களின்,கடும்முயற்சியால் அகில உலக ரீதியில் பல வெற்றிகளுக்குச்
சொந்தக்காரர்களாக பொனி எம் இசைக்குழுவைக் கொண்டு நடத்தியவர்கள்.

1970  ௦களில்,டிஸ்கோ நடனம் உலகம் முழுவதும் பிரபல்யம் அடைவதற்கு இவர்களின்
பொனி எம் பாடல்களே முக்கிய பங்கு வகித்தது என்றால் மிகையாகாது.குறிப்பாக
பொபி பரேல் தனது நடனத்தாலும்,வாய் அசைப்புகளாலும் வாலிபர் கூட்டத்தையே
கவர்ந்து வைத்திருந்தார்.

1978 களில் ரஷ்ய அதிபர் பிரஸ்நோவ்,முதன்முதலில் மேற்கத்தேய இசைக்குழுவை
பிரித்தானியாவில்  இருந்து,ரஷ்யாவின் விமானப்படைக்குச் சொந்தமான விமானத்தில்
அழைப்பித்து,படைவீரர்களுக்கு இசை விருந்தளித்தார். அந்தப் பெருமை பொணி எம்
குழுவையே சேரும்.

பொனி எம் பாடல்களில் டாடி கூல்,மா பகெர், ரஸ்புடீன் (Daddy Cool, Ma Baker  Rasputin )
.போன்ற பாடல்கள் இன்றும் மேல்நாட்டு மக்களைக் கவர்ந்த்தவை.

பொபி பரேல் பிறந்தது அருபா ஐலன்ட்டில். இது கருபியன் தீவுகளிலுள்ள ஒரு தீவாகும்.
இவர் 15வயதில்  ஒரு மாலுமியாக தொழிலை ஆரம்பித்தாலும்,பின்னர் நோர்வே,நெதர்லாந்து
நாடுகளில் இரவு விடுதிகளில் இசைப் பாடல்களுக்கு நாட்டியமாடுபவராக இருந்தார்.

1974ல் பிரபல்யமாக இருந்த பொணி எம் இசைக்குழு,ஜெர்மன் பாடகரும்,கவிஞ்ஞருமான
பிராங் பேரியனுடன் கைகோர்த்து 38 டொப் டென் பாடல்களை வெளியிட்டார்கள்.அதில்
பிரவுன் கேர்ல் இந்த ரிங் மற்றும் மேரீஸ் போய் சைல்ட்( Brown Girl in the Ring and Mary's Boychild.) என்ற இரு பாடல்களும் அடங்கும்.

1978 ல் உலக சாதனை படைத்த Daddy Cool. That year, their version of By the Rivers of Babylon
போன்ற பாடல்கள் பல வாரங்களுக்கு முதலிடத்தை தக்க வைத்திருந்தது பிரிட்டனில்.

1986இல் இவர்களது கூட்டணி உடைந்து,தனியாக வேறு பலருடன் சேர்ந்து போனி எம்
இசைக்குழுவை நடாத்தி பொணி எம் பொபி பரேல் என்றபெயரில் அழைக்கப்பட்டர்

போனி எம் பாடல்கள்:








செவ்வாய், 4 ஜனவரி, 2011

பார்ப்போமா?. நல்ல நாள்!... .





செங்கதிரோன் வாரநாட் பரணிகூடில்
செழுமதியிற் சித்திரைசே யுத்திராடம்
பொங்கு புதனவிட்டம் பொன்வாரங் கேட்டை 
புகார் பூராடங் காரி ரேவதியினாளில்
மங்கையரை மீனம் புனரில் விதவையாகு 
மனையொரு சிற்ப வழியில் போகிற் சாவாஞ் 
செங்கற் கண்ணாற் பூதிதான் மலடியாவார் 
சிறு குழவி பெறின் மறிக்குந் தின்னந்தானே.     
(மனையடி சாஸ்திரம்) 

ஞாயிற்றுக்  கிழமைகளில் பரணி நட்சத்திரம்,திங்கள் கிழமைகளில் சித்திரை நட்சத்திரம்,
செவ்வாய்க் கிழமைகளில் உத்திராடம் நட்சத்திரம்,புதன் கிழமைகளில் அவிட்ட நட்சத்திரம்,வியாழக் கிழமைகளில் கேட்டை நட்சத்திரம்,வெள்ளிக்கிழமை பூராடம்
நட்சத்திரம்,சனிக் கிழமைகளில் ரேவதி நட்சத்திரம் வரும்போது,மங்கையர் ருதுவானால்
மலடியாவாள்.திருமணம் நடந்தால் விதவையாவாள்,சுகயீனம் ஏற்பட்டு வைத்தியரை
 நாடினால் மரணம்.பிள்ளை பிறந்தால் மரணம் என்பது திண்ணம். இப்படி வரும் நாட்கள் சுப கருமங்களுக்கு விலக்கவும்.

அத்துடன் இந்தப் பாடலையும் பாருங்கள்.

"காலற்ற வுடலற்றன தலையற்ற நாளிற் 
கோலக்குய மடைவார்,தம்மைக் கூடின் மலடாவர் 
மாலுக்கொரு மனை மாளிகை கோலினது பாழாம் 
ஞாலத்தவர் வழி போகினு நலமெய்திடாரே."

காலற்ற நாட்கள்:கார்த்திகை,உத்திராடம்,உத்திரம்.
உடலற்ற நாட்கள்:மிருகசீருசம்,சித்திரை,அவிட்டம்.
தலையற்ற நாட்கள்:புனர்பூசம்,விசாகம், பூரட்டாதி.

நம்புவது நம்பாதது உங்கள் பொறுப்பு.சரியா? பிழையா? என்று ஆராய்ந்து பார்க்கலாம்,
அல்லவா.

திங்கள், 3 ஜனவரி, 2011

மனிதன் என்பவன் தெய்வமாகலாம்..



மனிதன் என்பவன் தெய்வமாகலாம்..


       
மனிதன் என்பவன் தெய்வமாகலாம்,எவ்வளவு இலகுவாக கவிஞர் கண்ணதாசன் எழுதியுள்ளார்.ஆனால்  மனிதர்கள்தான் தங்களால் முடியக்கூடிய  இலகுவான எந்த
உதவிகளையும்,  வேலைகளையும் அடுத்தவர்களுக்குச் செய்ய நினைப்பதுமில்லை,அடுத்தவர்களைப் பற்றிக் கவலைப்படுவதுமில்லை.காரணம் தேவைகள் 
அதிகரித்து,வருமானத்தைத் தேடி ஆலாவாகப் பறப்பதிலே அவன் வாழ்நாள் முடிந்துவிடுகிறது.
அப்புறம்,எப்படி,  அடுத்தவர்களைப் பற்றிக் கவலைப்பட நேரம் இருக்கப்போகிறது.அப்படியானால் மனிதன் எப்போது   தெய்வமாகின்றான்,.தனது தேவைகளைக் .
குறைத்து,விரலுக்கு  ஏற்ற வீக்கம் என்ற மனச் சாந்தி கிடைக்கும் வரை,மனிதன் என்பவன் 
தெய்வமாக மாட்டான்.






மனிதன் என்பவன் தெய்வமாகலாம்..
மனிதன் என்பவன் தெய்வமாகலாம்..

வாரிவாரி வழங்கும் போது வள்ளலாகலாம்
வாழை போல தன்னை தந்து தியாகியாகலாம்
உறுதியோடு மெழுகு போல ஒளியை வீசலாம்
மனிதன் என்பவன் தெய்வமாகலாம்..
தெய்வமாகலாம்..

ஊருக்கென்று வாழ்ந்த நெஞ்சம் சிலைகளாகலாம்
உறவுக்கென்று விரிந்த உள்ளம் மலர்களாகலாம்
ஊருக்கென்று வாழ்ந்த நெஞ்சம் சிலைகளாகலாம்
உறவுக்கென்று விரிந்த உள்ளம் மலர்களாகலாம்

யாருக்கென்று அழதபோதும் தலைவனாகலாம்
மனம்! மனம்! அது கோவிலாகலாம்..

மனிதன் என்பவன் தெய்வமாகலாம்
மனிதன் என்பவன் தெய்வமாகலாம்
மனிதன் என்பவன் தெய்வமாகலாம்..

மனம் இருந்தால் பறவை கூட்டில் மான்கள் வாழலாம்
வழியிருந்தால் கடுகுக்குள்ளே மலையைக் காணலாம்
மனம் இருந்தால் பறவை கூட்டில் மான்கள் வாழலாம்
வழியிருந்தால் கடுகுக்குள்ளே மலையைக் காணலாம்

துணிந்துவிட்டால் தலையில் எந்த சுமையும் தாங்கலாம்
குணம்! குணம்! அது கோவிலாகலாம்...

மனிதன் என்பவன் தெய்வமாகலாம்
வாரி வாரி வழங்கும் போது வள்ளலாகலாம்
வாழை போல தன்னை தந்து தியாகியாகலாம்
உறுதியோடு மெழுகு போல ஒளியை வீசலாம்

மனிதன் என்பவன் தெய்வமாகலாம்..
தெய்வமாகலாம்... 

ஆ... ஆ...ஆ...
ஒஹோ ..ஹோ...

இந்தப் பாடலை இசைவடிவமாக இங்கே கேட்கலாம்.ஸ்ரீனிவாசின் குரலில்.




கண்ணதாசன் ,விஸ்வநாதன், ஸ்ரீநிவாஸ் இவர்களின் கூட்டணியில்
சுமைதாங்கி என்ற படத்தில் இப்பாடல் இடம்பெற்றுள்ளது.மனித மனங்களை வளம்படுத்தும் பாடல் வரிகள்,மனதைத் தொட்டுச் செல்லும் M.S. விஸ்வநாதன் இராமா மூர்த்தி இசை.மந்தகாசமான மனதை மயக்கும் P.B. ஸ்ரீனிவாசின்  குரல்,மொத்தத்தில் இன்னிசை மழை.நீங்களும் கேட்டுப் பார்த்து ரசியுங்கள்



இங்கு  பாடுபவர்  சுரேந்தர்.

ஞாயிறு, 2 ஜனவரி, 2011

மா நகராம்! மட்டு மாநகராம் !!



இதே பாடலை முன்பு நான், யூ ட்யூப்பில் வலையேற்றியபோது,தொழிநுட்பத்தில் ஒரு   கத்துக் குட்டியாக இருந்ததால்,ஏதோ ஒன்றை இழந்த ஒரு குற்ற உணர்ச்சி என் மனத்தைக் குடைந்து கொண்டு இருந்தது.அதை நிவர்த்தி செய்யும் வகையில்,திரும்பவும்
இந்தப் பாடலை யூ ட்யூப்பில் வலையேற்றியுள்ளேன்.  பெற்ற தாயையும்,பிறந்த பொன்னாட்டையும், மறப்பது நமது மரபல்லவே.என்னை ஈன்ற மட்டக்களப்புக்கு, நான் செய்யும் சிறு காணிக்கை.மட்டக்களப்பில் பிறந்தவர்களும், இசையில் சளைத்தவர்களல்ல என்பதை நிருபிக்கும் பாடல்.இயற்றிப் பாடுபவர் மட்டக்களப்பு  திரு.ஞானப்பிரகாசம்,இசை மட்டுநகர் ஆதவன் இசைக்குழு.அல்பம்: மட்டுநகர் கீதங்கள்.
இதில் இரண்டு பாடல்கள் இணைக்கப்பட்டுள்ளது.தொடர்ந்தும் ஏனையவைகளை வலையேற்றுவேன்.அதுவரையில் இதைக் கேளுங்கள் பழைய பதிவுக்கு இங்கே செல்லுங்கள்.

சனி, 1 ஜனவரி, 2011

வெண்பாவைப் பாடியவர் யார்?

இந்த வெண்பாவைப் பாடியவர் யார்?

காளமேகப் புலவரின் நிந்தாஸ்துதி போலிருக்கிறது,என்றும் சிலர் நினைக்கலாம்.

"வாதக்காலாம் தனக்கு,மைத்துனர்க்கு நீரிழிவாம்,
போதப் பெருவயிறாம் புத்திரற்கு --மாதரையில்
வந்த வினை தீர்க்க வகையறியான் வேளூரான்
எந்த வினை தீர்த்தான் இவன்".  

நடனமாடத் தூக்கிய காலைக் கொண்ட சிவபெருமானுக்கு,ஆகாய கங்கையை தன் காலால் பூவுலகுக்கு இறக்கியவரான மகா விஷ்னு மைத்துனராம்,ஞானமே உடலாகக் கொண்ட பெருவயிறுடைய பிள்ளையார் மகனாம்.இவ்வளவு சிறப்புகளையும்,பெருமைகளையும் உடைய வைத்தீஸ்வரன்,இந்தப் பரந்த உலகத்துக்கு 
வந்த வினையைத் தீர்க்க வகையறிய மாட்டானா? அவன் உங்களில் யார் விணையைத்
தீர்த்தான்,சொல்லுங்கள்?.துதிப்போம்.இவைகளை வியப்புக் குறியுடன் வைத்துப் பாருங்கள். 

காளமேகப்புலவரின் நிந்தாஸ் துதியைப்போல் இருந்தாலும்,இதை பாடியவர் காளமேகப் புலவரல்ல.இந்தியா,இலங்கை போன்ற தமிழ் கூறும் நல்லுலகில் பிறந்தவரும் அல்ல. 
இவர் பிறப்பால் கிறிஸ்தவராகப் பிறந்து,பாதிரியாராக இலங்கை இந்தியா நாடுகளுக்கு, 
கிறிஸ்தவ சமயத்தைப் பரப்பவந்த, பெஸ்கி என்ற கிறிஸ்தவ பாதிரியார்.. 

"வைத்தீஸ்வரன் கோயில் வீதி வழியே ஒரு கிறிஸ்துவப் பாதிரியார் போய்க்கொண்டிருந்தார்,சுவாமி புறப்பாடு வந்தது.ஊர்வலத்தில் அவரும் கலந்து கொண்டபோது இரண்டொருவர் முணுமுணுத்துக் கொண்டார்களாம், கிறிஸ்தவர்களுக்கு இங்கு என்ன வேலை இருக்கிறது என்று,அப்போதுதான் அவர் இந்த நிந்தாஸ் துதியைப் பாடினாராம்.

 இத்தாலியில் இவர் பிறந்தது 1680 நவம்பர் 9ஆம் நாள். கான்சுடாண் டைன்யுசேபியுசு சோசப்பு பெசுகி என்பது இவரது இயற்பெயர். இந்தியாவில் கிறித்துவ சமயப்பணி புரிவதற்காக வந்த முனிவர், 1711 மதுரை மறைப்பணிக் களத்துக்கு வந்தார்.மதம் பரப்பும் முயற்சிக்காகத் தமிழைக் கற்றுக்கொண்ட இவர், தமது பெயரினை தைரியநாதன் என்று முதலில் மாற்றிக் கொண்டார். பின்னர், அப்பெயர் வடமொழி என்பதாலும், நன்கு தமிழ் கற்றதாலும், தனது இயற்பெயரின் பொருளைத் தழுவி, செந்தமிழில் வீரமாமுனிவர் என மாற்றிக் கொண்டார்.


                                      (வீரமாமுனிவர்-- நவம்பர் 8, 1680 - பெப்ரவரி 04 1746)     
மேலும் விபரமறிய இங்கே செல்லுங்கள்



                    

வெள்ளி, 31 டிசம்பர், 2010

புது டில்லி ,செங்கோட்டை .

எனது இந்திய விஜயத்தில்,புது டில்லி செங்கோட்டை மிகவும் கவர்ந்த ஒரு இடமாக இருக்கிறது.கட்டடக் கலைகளின் பிறப்பிடமே இந்தியாவில் இதாகத்தான் இருக்கவேண்டும் என்ற ஒரு பிரமிப்பை என் மனதில் ஏற்படுத்திவிட்டது. நான் மத்திய கிழக்கு நாடுகளில் இதை விட பெரிய கட்டிடங்களைக்கண்டிருந்தாலும் .காலத்தைவைத்து,உற்று நோக்கினால் டில்லி செங்கோட்டை அசைக்க முடியாத இடத்தில் இருக்கிறது.சரியான பராமரிப்பு இல்லாமல்,சில பல சிதைவுகள்,இருந்தபோதும்
தற்போது இவைகளைச் சீர்செய்ய நடவடிக்கை எடுத்திருப்பது வரவேற்கத்தற்கது.செங்
கோட்டையைப்பற்றி நான் அதிகம் எழுதத் தேவையில்லை.ஏற்கனவே கீழ்க்காணும் தளத்தில் விபரமாக எழுதியிருக்கிறார்கள் இங்கே.  சென்று பாருங்கள்.பொது அறிவைக்
கொஞ்சம் கூட்டிய மாதிரியும் இருக்கும். 1638 -1648 சலவைக் கல் சரித்திரங்கள்.அந்தக் காலத்தில் பத்துவருடம் எடுத்திருக்கிறது,இதைச் செதுக்கி முடிக்க. நன்றாக உற்று நோக்கினால் திரைப்படங்கள்,சின்னத்திரைக் காவியங்கள் எல்லாவற்றிலும் இது முக்கிய
பாத்திரமேற்று நடித்திருப்பதை அறிந்து கொள்ளலாம்.     













































































































































பெரிய ஒரு சுற்றுலாவை புது டெல்லியில்,செங்கோட்டையில் தற்போது முடித்திரிக்  கிறோம். நன்றாகக் களைத்து விட்டீர்கள்.சின்ன இடைவேளைக்கு அப்புறம் சந்திக்கலாம் .